Advertisement
 
 
 
 
 
 
 
 

Amakuru | Mu Ntara

Gakenke: Uwambuye abubatse umudugudu w’abatishoboye arashyikirizwa inkiko   

  Yanditswe na NGABOYABAHIZI PROTAIS
 September 2016

 
 

Ubuyobozi bw’Umurenge wa Cyabingo mu karere ka Gakenke buratangaza ko bugiye kugeza mu nkiko Rwiyemezamirimo witwa Ntawitonda Alexis wambuye abafundi n’abayede bagera kuri 80 bubatse umudugudu wa gahama watujwemoabatishoboye.

Aba baturage bavuga ko Ntawitonda yabasubije inyuma kuko yabambuye amafaranga y’u Rwanda angana na miliyoni imwe n’ibihumbi 600, bamwe muri bo bakaba barabuze uko bishyurira imiryango yabo ubwisungane mu kwivuza.

Umudugudu wa Gahama watujwemo abatishoboye bo mu murenge wa Cyabingo ugizwe n’inzu 20 zamaze gutuzwamo abo zari zigenewe mu gihe abazubatse batarishyurwa ndetse bakaba batagica iryera umukoresha wabo.

JPEG - 158.3 kb
Ibibazo abaturage bakunze kubaza abayobozi iyo babasuye habamo n’ibya ba rwiyemezamirimo babambuye (Foto N.Protais)

Bavuga ko bamaze amezi arenga atatu batazi aho babariza uyu rwiyemezamirimo kuko umuyobozi bagezeho abohereza ku wundi bityo bagahora basiragira mu mayira.

Shema Egide umwe mu bafundi,yagize ati “Banyambuye arenga ibihumbi 60, iyo tugiye ku murenge batwohereza ku kagari, akagari na ko kakavuga ko ntabyo gashoboye kuri twe; mbese ni ukuduteragirana twabuze uruvugiro, aho nafataga ifunguro saa sita iyo mbabonye ndihisha, abana banjye ntibagira amafaranga yo kurya no kwishyura ku ishuri.”

Umunyamabanga Nshingwabikorwa w’Umurenge wa Cyabingo, Byiringiro Simeon, ashimangira ko aba baturage bambuwe na Ntawitonda ariko bagiye gushyikiriza iki kibazo inkiko kuko kirenze ubushobozi bw’umurenge.

Yagize ati “Na we [Ntawitonda] arabyemera kuko yabikoreye inyandiko kenshi yemera umwenda, ariko ubu ikibazo kirasa n’ikimaze kuturenga ubu tugiye kugishyiriza inzego z’ubutabera yishyure abaturage ku mbaraga za Leta.”

Byiringiro yizera ko iki kibazo nikigera mu nkiko, Ntawitonda azishyuzwa ku ngufu dore ko na we adahakana ko abereyemo abaturagw amafaranga.

 

Comments

 
 
Rubavu:Ubuyobozi bwiyemeje kugoboka abanyeshuri basizwe iheruheru n’inkongi y’umuriro
Rubavu:Ubuyobozi bwiyemeje kugoboka abanyeshuri basizwe iheruheru n’inkongi y’umuriro

Ubuyobozi bw’akarere ka Rubavu burizeza ubuvugizi abanyeshuri barangiza amashuri yisumbuye bagizweho ingaruka n’inkongi yibasiye ishuri ry’ababatisita mu Rwanda, riherereye mu mudugudu wa Muhato, (...)

Nyamasheke: Gitifu w’akagari yatawe muri yombi akurikiranweho amafaranga ibihumbi 2
Nyamasheke: Gitifu w’akagari yatawe muri yombi akurikiranweho amafaranga ibihumbi 2

Umunyamabanga nshingwabikorwa w’akagari ka Banda mu murenge wa Rangiro,mu karere ka Nyamasheke ari mu maboko ya polisi kuri sitasiyo ya Kanjongo akurikiranweho amafaranga 2400 yahawe n’abaturage (...)

Urubyiruko rw’u Rwanda na Congo rwiyemeje guharanira ubutabera n’amahoro
Urubyiruko rw’u Rwanda na Congo rwiyemeje guharanira ubutabera n’amahoro

Biciye mu bihangano binyuranye, abasore n’inkumi bagera kuri 400 bo mu turere twa Rusizi na Nyamasheke bari mu mahuriro y’ubutabera n’amahoro mu mashuri yisumbuye, na bagenzi babo b’i Bukavu na (...)

Abagore  b’i Ngoma bishyize hamwe bagurirana ibitenge  buri mwaka
Abagore b’i Ngoma bishyize hamwe bagurirana ibitenge buri mwaka

Abagore bo mu murenge wa Murama, mu kagari ka Rurenge bishimira ko bahuje imbaraga ubu bakaba bagurirana ibitenge buri mwaka, kandi bakaba bafashanya binyuze mu itsinda bishyiriyeho ryo kubitsa (...)

Nyamasheke: Inkuba yakubise ikigo cy’ishuri ihungabanya abana b’abakobwa icyenda
Nyamasheke: Inkuba yakubise ikigo cy’ishuri ihungabanya abana b’abakobwa icyenda

Inkuba yakubise ku kigo cy’ishuri cya TTC mwezi giherereye mu murenge wa Karengera mu karere ka Nyamasheke ihungabanya abana b’abakobwa icyenda n’umugabo ukora hafi y’iryo shuri bajyanwa mu bitaro. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.