Advertisement
 
 
 
 
 
 
 
 

Amakuru | Mu Ntara

Gakenke: Ikigo cy’imyuga cyubakishijwe miliyoni 28 gishaje kidakoreshejwe   

  Yanditswe na NGABOYABAHIZI PROTAIS
 4 months ago

 
 

Ababyeyi bo mu murenge wa Cyabingo, Akarere ka Gakenke batewe agahinda n’ikigo cyubakiwe kwigisha urubyiruko imyuga ariko kikaba kimaze imyaka ibiri kitarafungurwa kandi hari n’amafaranga bitanze ngo cyubakwe, none kikaba cyaratonze urubobi.

Iki kigo ngo cyuzuye gitwaye miliyoni 28; abaturage bategereje ko cyakora ibyo cyagenewe baraheba kandi babona aya mafaranga n’izindi mbaraga zashyizwemo ari igihombo kuri bo n’igihugu muri rusange.

Kabanda Eric umwe mu baturage bo mu kagari ka Rukore muri Cyabingo iki kigo cyubatsemo, yagize ati “Iki kigo twacyubatse ku bufatanye n’umushinga ‘World vision Rwanda’. Twaritanze aho buri muryango nibura watangaga amafaranga 3000, ndetse twatanze n’ibiti byo gutwika amatafari. Ariko kuri ubu byose bisa n’aho byapfuye ubusa, twarumvise ngo akarere, kagiye kuyitunganya ikorerwemo imirimo, ariko nta gikorwa imyaka igiye kurenga ibiri.”

JPEG - 82.3 kb
Iyi nyubako ngo yatwaye amamiliyoni menshi ariko ngo ntikoreshwa (foto Ngaboyabahizi Protais).

Aba baturage bavuga ko ibi biri mu bidindiza iterambere rya kariya gace, cyane ko n’ibikoresho byashyizwemo na World Vision ngo bigenda byangirika kuko byabuze ubikoresha muri iyo myaka ibiri.

Umuyobozi w’Akarere ka Gakenke Nzamwita Deogratias yagize yahamije ko iyi nyubako itaratangira ariko ngo yatindijwe no gukora na transfo yagombaga kuhageza amashayarazi yahiye

Ati "Iriya nyubako kuba itaratangiye imirimo yayo mbere habanje kubaho ikibazo cya transifo itari mishoboye, ariko ubu yarangije kuhagera kandi ifite ingufu, n’ubwo kandi iriya nyubako yangiritse ; ubu twarangije kuyishyira mu maboko mu maboko y’Ikigo cy’igihugu gishinzwe guteza imbere amashuri y’imyuga n’ubumenyi ngiro (WDA), ngo kihakoreshe."

Yahamiije ko nubwo imirimo yo gusana ibyangiritse bakomeje gukurikirana aho gahunda y’iki kigo igeze muri WDA ngo ziriya nyubako zikoreshwa icyo zagenewe.

 

Comments

 
 
Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Abasaga 300 bahawe akazi ko kubaka imihanda Perezida Kagame yemereye Abanyagakenke
Abasaga 300 bahawe akazi ko kubaka imihanda Perezida Kagame yemereye Abanyagakenke

Ubuyobozi bw’Akarere ka Gakenke buvuga ko ibikorwa byo kubaka imihanda Perezida wa Repubulika yemereye abaturage byatangiye, ndetse ko abaturage basaga 300 babonye akazi. Iyi mihanda Perezida (...)

Ngororero:Abahinzi bakeneye inganda zitunganya umusaruro w’urutoki
Ngororero:Abahinzi bakeneye inganda zitunganya umusaruro w’urutoki

Abahinzi bo mu Karere ka Ngororero bavuga ko kutagira inganda zitunganya umusaruro w’ibikomoka ku rutoki ndetse no ku bindi bihingwa, bituma umusaruro wabo utababyarira umusaruro ukwiye. Mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.