2017-06-25 13:58:23 clouds 27o High | Kigali Rwanda

Dukurikire:
 
 

Gakenke: Guhagarika gutwika amatafari byatije ubujura umurindi

Yanditswe na IMVAHO NSHYA

Kuya 2016-09-30 19:17:34

 
Share on:
 
Yasuwe:12
 
Yavuzweho:200
 
10
 
10

Bamwe mu baturage bo mu murenge wa Kivuruga, Akarere ka Gakenke ntibakigoheka mu ijoro kugira ngo bahangane n’insoresore ziza kubapfumurira izu zikiba imitungo n’amatungo yabo.

Aba baturage bemeza ko ubujura bwaturutse ku kuba abasore benshi bakoraga mu kubumba no gutwika amatafari none aho bakoraga hakaba harahagaritswe bakisanga mu bushomeri.

Umwe mu baturage bo muri Santeri y’ubucuruzi ya Rusenge Ndayisaba Gratien , yagize ati “ Ubu rwose abajura batugeze habi ntawanika umwenda, ntawazirika itungo mu gasozi cyangwa se ngo arisige mu rugo agende, ibi byose biterwa n’insoresore zirwa zicaye hano nta murimo, kuko akarere ka Gakenke katarahagarika gutwika amatafari.”

PNG - 1.5 Mb
Abatuage bemeza ko guhagarika ababumbaga amatafari biri mu byatumye ubujura bwiyongera

Yongeraho ko ngo nta muntu ugomba kugenda mu gihe cya sa kumi n’ebyiri n’igice afite ikintu mu ntoki cyane cyane ku bagore. Ikibababaza cyane ngo ni uko ubu bujura butigeze buhaba mbere yo guhagarika abatwikaga amatafari.

Ubuyobozi bw’Akarere ka Gakenke bwo buratangaza ko abaturage bakwiye gutandukanya ubujura n’ikibazo cyo gutwika amatafari mu buryo butubahirije amategeko.

Nzamwita Deogratias Umuyobozi w’Akarere, yagize ati “Guhagarika kubumba amatafari byatewe no kuba abayatwika batarubahirije amasezerano kuko bagombaga gutwika hakoreshejwe ibishariro, ariko bageze aho batangira gushyiramo ibiti.”

Yakomeje avuga ko ubujura bwibasiye iyi santere ya Rusenge bugiye guhagurukirwa n’inzego z’umutekano hagamijwe guhashya urugomo n’ubugizi bwa nabi.

PNG - 1 Mb
Imwe mu nzu zatobowe, ibi byatumye abaturage bafata umwanzuro wo kutagoheka mu ijoro
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE