Advertisement
 
 
 
 
 
 
 
 

Amakuru | Mu Ntara

Gakenke: Abubatse ku muhanda uhuza uturere 4 bijejwe guhembwa vuba   

  Yanditswe na NGABOYABAHIZI PROTAIS
 5 months ago

 
 

Ubuyobozi bw’Akarere ka Gakenke bwatangaje ko burimo gukora ibishoboka byose ngo abaturage bubatse ku muhanda uhuza uturere tune ari two Musanze, Gakenke, Nyabihu na Muhanga bahembwe mu maguru mashya nyuma y’igihe kirenga amezi ane badahembwa.

Uyu muhanda w’ibilometero 40 Gashyushya-Muvumba, ku gice cya Gakenke gifite uburebure bwa kilometero 16.6. Ibi byatangajwe nyuma y’uko abagize iyi koperative yahawe akazi mu iyubakwa ry’umuhanda w’igitaka Gashyushya-Muvumba, bagaragaje ko bamaze igihe kirenga amezi badahembwa.

Umuyobozi w’akarere ka Gakenke wungirije ushinzwe ubukungu n’iterambere Aimé Niyonsenga, yizeza aba baturage ko imishahara yabo y’ukwezi kwa 6 n’ukwa 7, izaba yageze ku ma konti yabo bitareze icyumweru kimwe, bose uko ari 40.

JPEG - 129 kb
Ubuyobozi bw’Akarere ka Gakenke bwijeje ko ikibazo kigiye gukemuka vuba (Foto Archive)

Umwe muri aba baturage yagize ati “Kuri ubu tubabazwa no kuba twarahawe akazi nk’abantu batishoboye, kugira ngo tubashe kwiteza imbere, aho ku munsi dukorera amafaranga 1000, none tumaze amezi arenga 4 nta guhembwa.

Kutabonera umushahara ku gihe ni bimwe mu bidukururira ibibazo, muri za butike aho nkura agasabune n’ibiribwa, ubu iyo mbabonye ndihisha, ibi kandi n’akarere karabizi twarazahaye.”

Uyu muturage yongeraho ibirarane byabo babibaha mu bice, bityo bikabagora kugera ku bikorwa by’iterambere bifuza.

Umuyobozi w’Akarere ka Gakenke wungirije ushinzwe iterambere ry’ubukungu Niyonsenga Aime, yagize ati “Ndizeza aba baturage ko nibura nyuma y’icyumweru bimwe mu birarane by’imishahara yabo biraba byabonetse, tugiye kandi gushakira hamwe ibisubizo birambye ku bijyanye no gutinda kw’imishahara yabo.”

Abaturage bemeza ko numara kuzura bizoroshya ubuhahirane muri utwo turere.

 

Comments

 
 
Gakenke: I Rusenge bamaze imyaka 2 bafite amapoto nta mashanyarazi
Gakenke: I Rusenge bamaze imyaka 2 bafite amapoto nta mashanyarazi

Abaturage bo mu mirenge ihuriye kuri santere y’ubucuruzi ya Rusenge, bavuga ko baheze mu icuraburindi, mu gihe ngo bari bijejwe umuriro w’amashanyarazi, none ngo imyaka ikaba ibaye ibiri amapoto (...)

Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.