Advertisement
 
 
 
 
 
 
 
 

Amakuru | Mu Ntara

Gakenke: Abatuye mu manegeka bagiye kubakirwa umudugudu wa miliyari 11   

  Yanditswe na MURENZI ANGE
 2 months ago

 
 

Ubuyobozi bw’Akarere ka Gakenke bwatangaje ko hagiye kubwakwa ummudugudu w’icyitegererezo wo gutuzamo amaturage bagituye mu manegeka hirindwa impanuka zituruka ku biza.

Abayobozi barateganya kubaka imidugudu y’icyitegererezo izatwara asaga miliyari 11 z’amafaranga y’u Rwanda nyuma y’urugendoshuri bamwe muri bo n’abafatanyabikorwa b’akarere, bakoreye mu murenge wa Rweru mu karere ka Bugesera kugira bihera ijisho banasobanurirwa ibikenewe mu kubaka umudugudu nk’uwo.

Umuyobozi w’akarere ka Gakenke wungirije ushinzwe iterambere ry’ubukungu Niyonsenga Aime Francois, yahamije ko Akarere ka Gakenke gateganya gutangira imirimo y’ubwubatsi muri uku kwezi k’Ugushyingo 2016, mu mirenge itatu igize aka karere.

JPEG - 212.8 kb
Inzu ziteganywa kubakwa mu mudugudu w’icyitegererezo mu Gakenke zizaba zishushe bk’izo mu Bugesera

Yagize ati “Nk’uko mubizi akarere kacu mu minsi ishize kibasiwe n’ibiza aho twabuze abantu benshi n’ibintu, ariko ahanini bigaterwa n’imiterere y’akarere ka Gakenke kari mu misozi ihanamye. Bivuze ko dufite n’abaturage benshi baba mu manegeka. Twifuza kubaka imidugudu y’icyitegererezo i Nyundo mu murenge wa Mugunga, Kagano mu murenge wa Muzo ndetse no mu murenge wa Mataba.”

Niyonsenga yakomeje asabanura ko ingengo y’imari iteganyijwe kuri iki gikorwa ari amafaranga menshi akarere katabona ubwako, bityo gakeneye ubufatanye bw’abafatanyabikorwa. Biteganyijwe ko hazubakwa amazu asaga 110 azatuzwamo imiryango isaga 500.

Dr Hafashimana Valens, Perezida w’Ihuriro ry’abafatanyabikorwa b’aka karere, yatangarije Imvaho Nshya ko biteguye gutanga umusanzu wabo bitarenze icyumweru kimwe, mu rwego gutangiza byihuse imirimo y’ubwubatsi bw’iyi midugudu y’icyitegererezo.

Yakomeje avuga ko bumva neza akamaro k’iki gikorwa kuko nk’abafatanyabikorwa bakorera mu karere ka Gakenke baherutse gutanga miliyoni zigera kuri magana atanu na mirongo ine, mu gufasha imiryango yasizwe iheruheru n’ibiza byagwiririye Gakenke muri Gicurasi uyu mwaka.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.