Advertisement
 
 
 
 
 
 
 
 

Amakuru | Mu Ntara

Burera: Barinubira kwakwa ‘ingwate’ mbere yo kuvurwa   

  Yanditswe na NGABOYABAHIZI PROTAIS
 5 months ago

 
 

Abaturage bo mu mirenge ya Gahunga, na Rugarama y’akarere ka Burera bagana Ikigo nderabuzima cya Gahunga, babangamiwe no kwakwa ingwate y’amafaranga y’u Rwanda 3000 buri uko bagiye kwivuza kandi bafite ubwisungane mu kwivuza.

Aba baturage bavuga ko ikibababaje cyane ari uko n’iyo ngwate birangira batayigaruriwe kandi uje kwivuza atayafite bimvuriramo kubura serivisi.

Bihirumuhatsi Wencislas yagize ati “Iyo tugeze ku kigo nderabuzima cya gahunga batwaka amafaranga 3000 y’ingwate , kuko tuba tuberetse urupapuro twishyuriyeho muri banki umusanzu w’ubwisungane mu kwivuza, iyo utayafite wisubirira mu rugo, ukarembera yo cyangwa se wabona ufite atageze k’umubare bakwaka, ukigira Cyanika ku mupaka w’u Rwanda na Uganda ukazana uduti twa magendu.”

JPEG - 133.4 kb
Abagana Ikigo Nderabuzima cya Gahunga ngo ingwate bakwa ituma barembera mu ngo (Foto N. Protais)

Aba baturage baboba bahohoterwa cyane mu gihe Leta y’u Rwanda yimakaje guteza imbere urwego rwa serivisi ishishikariza buri wese gutanga serivisi zinoze.
Ubuyobozi bw’iki kigo buhamya ko iki kibazo gihari ariko ntibwemeranya n’abavuga ko batagarurirwa amafaranga baba batanze nk’ingwate. Yanashimangiye ko iyi ngwate yakwa umuntu wivuriza ku bwisungane afite inyemezwabwishyu gusa atarahabwa ikarita.

Umuyobozi w’Ikigo nderabuzima cya Gahunga Urimubenshi François –Xavier, yagize ati “Ni ingwate kuko tuba tutizeye neza ko ashobora kubona amafaranga yo kwishyura ku kigo nderabuzima kandi aba ari buhabwe serivisi n’imiti, ntituba tuzi iyo azakoresha uko ingana. Iyo tumaze kubona umurwayi azanye ikarita y’ubwisungane, cyane ko ingwate yakwa uwazanye urupapuro yishyuriyeho umusanzu wo kwivuza, nyuma y’aho arayasubizwa. Gusa niba hari uwaba atarayahabwa yagera ku kigo tukazabireba neza agasubizwa amafaranga ye.”

Uyu muyobozi akomeza avuga ko uza kwivuza wese agasabwa ingwate nyuma yo gukira ngo aba akwiye no kubaza ibigendanye n’ayo mafaranga yatanze ariko akaza yitwaje ikarita y’ubwisungane mu kwivuza.

 

Comments

 
 
Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Rwamagana:Abaturage basabwe kurwanya ihohoterwa rishingiye ku gitsina
Rwamagana:Abaturage basabwe kurwanya ihohoterwa rishingiye ku gitsina

Abaturage bo mu ntara y’Uburasirazuba barasabwa kurwanya ihohoterwa rishingiye ku gitsina n’irikorerwa abana, batanga amakuru y’abahohotewe ku gihe, bakanirinda kuzimangatanya ibimenyetso. Ubu ni (...)

APR FC   irasabwa intsinzi    ku mukino wa Zanaco FC
APR FC irasabwa intsinzi ku mukino wa Zanaco FC

APR FC-Zanaco FC (Amahoro-15h30) Ikipe ya APR FC irakina umukino wo kwishyura n’ikipe ya Zanaco FC yo muri Zambia mu mikino y’Afurika y’amakipe yabaye aya mbere iwayo “Total Caf Champions League (...)

Abaturage bo mu Ngororero babaga mu manegeka bahawe inzu zirimo televiziyo
Abaturage bo mu Ngororero babaga mu manegeka bahawe inzu zirimo televiziyo

Abagize imiryango 11 yari ituye mu manegeka mu murenge wa Kabaya mu karere ka Ngororero barashimira Leta yabavanye mu kaga k’ibiza byahoraga bibasenyera ubu bakaba batuye mu nzu nziza zirimo na (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.