Advertisement
 
 
 
 
 
 
 
 

Amakuru | Mu Ntara

Bitarenze 2018, ibiti biziharira 30% by’ubutaka bw’u Rwanda   

  Yanditswe na HABINEZA REGIS
 1 month ago

 
 

Leta y’u Rwanda yihaye gahunda yo kuba ibiti bigomba gukwira ku buso bw’ubutaka bungana na 30% bitarenze mu mwaka wa 2018, mu gihe yari intego yihawe kugeza mu cyerekezo 2020.

Mu gihe ubuso bw’u Rwanda bungana na kilometero kare 26,338, kuri ubu amashyamba ari ku kigero cya 29,2%, ay’inturusu akaba yiharira 55% by’amashyamba yose.

Ubwo Minisitiri w’Intebe Murekezi Anastase yifatanyaga n’abaturage b’Umurenge wa Bukure mu karere ka Gicumbi mu muganda ngarukakwezi ku wa gatandatu, yashimangiye ko u Rwanda rugamije kugera ku ubuso bw’ubutaka 30% buteyeho ibiti mu mwaka wa 2018.

Yashimangiye iyi ntego nyuma yo gufatanya n’abaturage gutangiza gahunda yo gutera amashyamba mu gihugu hose aho iki gihembwe cyo gutera ibiti hagamijwe gutera amashyamba kuri hegitari 80,080 n’ibiti bivangwa n’imyaka kuri hegitari 19,364.

Murekezi Anastase n’abandi bayobozi b’inzego zinyuranye harimo na Minisitiri w’Ubutabera Johnston Busingye bifatanyije n’abaturage ba Gicumbi mu gukora umuganda rusange ukorwa buri kwezi aho bateye ibiti ku Gasozi ka Bushyorongi mu kagali ka Rwesero.

Kuri ako gasozi hasanzwe ubuhaname bwo hejuru kandi bigaraga ko n’amashyamba ahari yari make bityo bahateye ibiti mu gukumira ingaruka zaterwa n’isuri bikaba ari n’uburyo bwo kongera amashyamba mu Rwanda.

JPEG - 186.4 kb
Minisitiri w’Intebe mu muganda ngarukakwezi, ariko gutera ibiti

Nyuma yo gutera ibiti Minisitiri w’Intebe yagiranye ikiganiro kirambuye n’abaturage bitabiriye umuganda, cyibanze ku mikoreshereze y’amashyamba mu Rwanda n’icyakorwa ngo abungabungwe.

Yagize ati “Ndasaba Abanyarwanda bose gukomeza gutera ibiti n’amashyamba kuko ubu twatangije igihembwe cyo gutera ibiti muri iki gihe cy’imvura y’umuhindo.”

Yasabye Abanyarwanda kandi kurushaho gufata neza amashyamba ya cyimeza n’amaterano bafite, barushaho gukoresha ibitangiza ibidukikije, ati “Ndasaba abatuye cyane mu mijyi kwitabira byihuta gahunda yo gutekesha gazi, abatuye mu midugudu n’abafite ibigo by’abikorera na bo gukoresha iyo gazi.”

Gahunda yo gutera amashyamba uyu mwaka wa 2016 na 2017 yahuye n’isabukuru yo ku nshuro ya 41 hizihizwa iterwa ry’amashyamba. Igihembwe cyo gutera amashyamba mu Rwanda cyahawe insanganyamatsoko igira iti “Amashyamba isoko y’umwuka mwiza”

Minisitiri w’Intebe yabwiye abari aho ko bakwiye gushyira imbaraga mu gutera amashyamba kugira ngo igihugu cyizagere ku ntego cyihaye yo kuzatera amashyamba kuri hegitare (ha) ibihumbi 8 080 by’amashyamba n’ibihumbi 19 364 z’ibiti bivangwa n’imyaka, bigakorwa ku nkegero z’ibiyaga no ku mihanda no mu mirima y’abaturage.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Rusizi: Ubuyobozi bwahumurije abaturage bafite abana biga mu mashuri ashaje
Rusizi: Ubuyobozi bwahumurije abaturage bafite abana biga mu mashuri ashaje

Ababyeyi barerera muri GS Ntura Protestant, ishuri riri mu murenge wa Giheke mu karere ka Rusizi, bafite impungenge z’uko abana babo bagiye gutangira amashuri, ibyumba by’amashuri bigiramo bishaje (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.