Advertisement
 
 
 
 
 
 
 
 

Amakuru | Mu Ntara

Rubavu: Bagowe no guhinga ibireti batazi uko bitunganywa   

  Yanditswe na IYAREMYE YVES
 2 months ago

 
 

Bamwe mu bahinzi b’ibireti mu murenge wa Mudende mu karere ka Rubavu, barahamya ko batazi icyo iki gihingwa kimara, kuko ngo baheruka basarura ariko bakaba batazi n’aho kijyanwa.

Aba bahinzi, bavuga ko bahabwa imirima yo guhingamo y’ubuntu, byamara kwera bakabiha ushinzwe kubagurira umusaruro ariko bikarangirira aho.

Manizabayo Eugenie umuhinzi w’ibireti mu murenge wa Mudende, aragira ati “Kumbaza ngo ibireti bimara iki? Ubwo se nagusubiza ngo iki, ko icyo mfa kubona ari amafaranga gusa nabo bakajyana ibireti? Nabitse ifaranga biba bibaye, uko mumbona hashize imyaka irenga itandatu mbihinga ariko mbona bashyize mu modoka ibikurikiraho simbizi ntabwo nzi ngo bifite akahe kamaro.”

JPEG - 633 kb
Abahinzi baheruka ibireti biri mu murima ariko bifuza kumenya icyo bivamo nyuma yo gusarurwa

Akomeza avuga ko iki kibazo agihuriyeho n’abandi bahinzi benshi, ubona bagenda biyubakira inzu ndetse bibeshaho neza n’imiryango yabo.

Ati “Kuva aho ntangiriye guhinga ibireti mu2010 muri iki kigo cya Mudende naguzemo imirima ine ndetse nubakamo inzu mbayemo n’abana bariga mu mashuri kandi ubwisungane mu kwivuza ntibwabura ariko birangira mbonye amafaranga sinsobanukirwa n’icyo uyu musaruro umara.”

Ubuyobozi bw’Akarere ka Rubavu buvuga iki kibazo cy’imyumvire gikwiye kuzamurwa, abahinzi bagahinga ibyo bazi banasobanukiwe, kandi ngo barateganya ubukangurambaga.

Umuyobozi w’Akarere ka Rubavu ushinzwe imibereho myiza y’abaturage Uwampayizima Marie Grace, yemeza ko abahinzi bakwiye gusobanurirwa uburyo ibireti bibyazwa umusaruro iyo bivuye mu mirima yabo, kabone n’ubwo bitunganyirizwa mu mahanga.

Aragira ati “Ubundi ibireti ni ibihingwa ngengabukunga turabihinga ariko ntibitunganyizwa iwacu, ntibikwiye ko ubumenyi bwabo burangirira mu guhinga no kwakira amafaranga gusa, ni ngombwa ko abaturage bahinga bamenya igikurikiraho nyuma yo kubyeza, bamenye uko bikorwa, ikivamo n’uburyo bibagarukira. Iki kibazo cyo kutabisobanukirwa ntabwo gifitwe n’abahinzi gusa, bizakemurwa n’ubukangurambaga.”

Abahinga ibireti basabwe kunoza ubuhinzi bwabo bakabukora kinyamwuga bongera ubwiza n’ubwinshi, kugira ngo amafaranga ava muri ubu buhinzi akomeze kwiyongera cyane ko abazi akamaro kabyo bemeza ko bivamo imiti icura abantu.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.