2017-05-22 14:46:21 clouds 27o High | Kigali Rwanda

Dukurikire:
 
 

Amajyaruguru: Bibukijwe kwikuramo iterambere bagituye mu manegeka

Yanditswe na Claude Ntawitonda

Kuya 2016-11-01 07:04:38

 
Share on:
 
Yasuwe:2
 
Yavuzweho:200
 
10
 
10

Abaturage bo mu ntara y’Amajyaruguru bibukijwe gukora ibishoboka byose bagatura neza kandi mu midugudu kugira ngo ibikorwa remezo n’ibindi bikorwa by’iterambere bisange bafite uburyo burambye bwo kubibungabunga.

Umunyamabanga Nshingwabikorwa w’Intara y’Amajyaruguru, Kabagambe Déogratias yabibukije ko gutura mu midugudu ari yo nzira nziza yo kugira ngo ibikorwa remezo bibagereho kandi bibagirire akamaro mu buryo burambye.

Ubwo hatahwaga Umuyoboro w’amazi abaturage bubakiwe n’Umuryango Caritas mu murenge wa Rwaza mu karere ka Musanze, abaturage bibukijwe agaciro ko gutura mu midugudu kuko bari bamaze igihe kinini mu bwigunge bakaba ari bwo bari babonye amazi meza nyuma y’imyaka ijan.

Uyu muyoboro w’amazi bivugwa ko ufitiye akamaro abaturage barenga 6700, wuzuye utwaye miliyonni zirenga 114 z’amafaranga y’u Rwanda ukaba ufite amavomo 14.

Kabagambe yagize ati “Nti twagera ku iterambere cyangwa ngo ibikorwaremezo bigere ku bantu batuye mu manegeka, ni ngombwa ko mwebwe abo muri Rwaza n’abandi banyrwanda muri rusange batura ku midugudu kuko ibikorwa remezo bibageraho bidahenze kandi bikagera kuri buri wese.”

Abaturage bashimiye impanuro bahawe n’Ubuyobozi bw’Intara y’Amajyaruguru, baniyemeza kurinda ibikorwa remezo bakomeje kwegerezwa bikabakura mu bwigunge bamazemo igihe kinini.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE