Advertisement
 
 
 
 
 
 
 
 

Amakuru | Mu Ntara

Abunzi bakiranye yombi impano y’amagare bagenewe na Perezida Kagame   

  Yanditswe na UMUTONI BEATHA
 4 months ago

 
 

Abagize urwego rw’Abunzi bahawe amagare bagenewe na Perezida Paul Kagame cyagaragaje ibyishimo cyatewe no koroherezwa ingendo buzuza inshingano zabo neza, akaba aje yiyongera kuri telefone bagenewe zibafasha gukorana neza n’izindi nzego.

Abagize uru rwego bo mu karere ka Ruhango batangaje ko bakiriye neza iki gikorwa, bishimira ko Umukuru w’igihugu yabatekerejeho, imvugo ye ikaba ingiro.

Abafashe ijambo bose bagaragaje ko bafite akanyamuneza muri bo, bahamya ko ibibazo by’ingendo ndende bajyaga bakora n’amaguru bajya kunga abaturage bigiye gukemuka.

JPEG - 246 kb
Akanyamuneza kari kose ku bunzi bahawe amagare (Foto Umutoni B)

Uwamungu Cecile, umwunzi mu rukiko rw’ubujurire ku rwego rw’umurenge wa Kinihira, yagize ati “Twishimye cyane rwose, Nyakubahwa Perezida wa Repubulika akomeza kutwereka ko imvugo ye ari yo ngiro, ubu hari uduce ntajyaga ngeramo, urugero nk’ubu kuva ku murenge njya ahitwa Bweramvura sinajyaga njyayo kuko urugendo rwaho n’amaguru ni amasaha 4.

Ubwo rero sinirirwe njyayo kuko ari kure, ariko iri gare rigiye kunyorohereza akazi, rizadufasha kugera hose njye ndanarizi sinzajya ngombera gutegereza untwara.”

Ubwo yabagezagaho ayo magare, Twagirimana Epimaque, umuyobozi w’akarere ka Ruhango wungirije ushinzwe iterambere ry’ubukungu, yabasabye kuzayakoresha icyo yagenewe, kuko ngo bayahawe mu rwego rwo kubongerera ubushobozi mu gutanga serivise nziza.

Yagize ati “Aya magare bayahawe kugira ngo aborohereze akazi, icyo tubasaba ni ukuyafata neza, ntibemerewe kuyagurisha cyangwa kuyatangaho ingwate kuko ni amagare y’akazi azajya abafasha gutanga serivisi nziza mu kazi kabo nk’abunzi.”

Ku ikubitiro icyiciro cya mbere cy’abunzi bagera ku 124, akaba ari bo bashyikirijwe amagare muri 476 babarizwa mu karere ka Ruhango. Ibindi byiciro na byo ngo bikazakurikiraho mu minsi iri imbere.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.