Advertisement
 
 
 
 
 
 
 
 

Amakuru | Mu Ntara

Abaturage b’i Musanze ntibiyumvisha uko bahora inyuma mu mihigo   

  Yanditswe na NGABOYABAHIZI PROTAIS
 September 2016

 
 

Ku wa Gatanu tariki 9 Nzeri habaye igikorwa cyo kwesa imihigo, Akarere ka Gasabo kabimburira utundi n’amanota 81. 6 % mu gihe aka Musanze ari ko kaje ku mwanya w’inyuma n’amanota 70.37%.

Ibi byakanguye abaturage bo mu karere ka Musanze bavuga ko badashimishwa no kubona bahora inyuma mu mihigo mu gihe bafite ubutaka bwera cyane, akarere kabo kakaba gafatwa nk’icyitegererezo mu gukurura ba mukerarugendo.

Aka karere gafatwa nk’ikigega cy’igihugu kuko gafite ubutaka bwera ibihingwa bitandukanye cyane cyane ibirayi; aka karere kandi gafite ibyiza nyaburanga bikurura ba mukerarugendo u Rwanda rukinjiza akayabo buri mwaka n’abahaturiye bakungukiramo mu buryo butandukanye.

JPEG - 245.1 kb
Aba baturage ntibifuza kujya babona abayobozi habaye umuganda gusa

Muri byo harimo ingagi zinjiriza igihugu amadovize atubutse ku buryo binateganywa ko zizaba zinjiriza u Rwanda amadilari ya Amerika miliyoni 800 mu mwaka wa 2017. Hari kandi ubuvumo, uduce tubitse amateka ndetse n’ahandi hantu nyaburanga hinjiza amafaranga ndetse hakanamenyekanisha u Rwanda mu ruhando mpuzamahanga.

Iyo aba baturage barebye kuri ibi byiza bitatse Musanze, no ku kuba bafite ibikorwa byinshi by’iterambere basanga impammvu nyamukuru yo guhora inyuma ari ukuba batamenyeshwa imihigo ngo na bo babone uruhare rwabo neza.

Mbarimombazi umwe mu baturage bo mu murenge wa Muhoza, yagize ati “Kuva hajyaho gahunda yo guhigira imbere ya Perezida wa Repubulika y’u Rwanda Paul Kagame, Musanze nibura ntiraza k’umwanya wa 18; nkibaza rero ikibura ngo nibura tube aba 10 kikanyobera. Dufite ibikorwa remezo, abaturage ba Musanze dukunda umurimo, Musanze yinjiza abakerarugendo kubera amahoteli n’ibindi bitwemerera kuza mu bambere, ibi bintu bikwiye gusubirwaho.”

Ndungutse Celestin na we ati “Bimwe mu bituma aka karere gahora mu myanya ya nyuma ni uko ubuyobozi butegera abaturage, imihigo ntitumenyeshwa ngo dufashe abayobozi kuyesa. Dore nk’ubu ushobora kubona abayobozi b’akarere mu murenge mu gihe umukuru w’Intara yiyemeje kuza gukemura ibibazo by’abaturage, cyangwa ku muganda rusange.”

Aba baturage bakomoje no ku mpanuro Perezida Paul Kagame yahaye abayobozi ku wa gatanu abasaba gukorera hamwe no guharanira inyungu z’abaturage, bagaragaza ko ikindi babona cyaba akarere gahora inyuma ari ukudahuza nk’abayobozi.

Abaturage kandi basaba abayobozi babo kugabanya gutekinika nk’uko byagaragaye mu byiciro by’ubudehe aho bamwe mu batishoboye bashyizwe mu byiciro by’abishoboye, n’abishoboye bakagirwa abatishoboye.

JPEG - 280.2 kb
Abaturage barasaba ubuyobozi gukemura ibibazo bitaraba ingutu

Na none kandi nk’uko gahunda ya Nyakatsi yaciwe, bifuza ko mu mihigo y’uyu mwaka wa 2016/2017 ubuyobozi bwahangana n’ibisa na zo mu mirenge ya Kinigi na Nyange n’ahandi, kandi ngo biteguye gutanga umusanzu wabo ubuyobozi nibubasanga.

Umuyobozi w’Akarere ka Musanze Musabyimana Jean Claude, yagaragaje akababaro yatewe no kuza mu b’inyuma gusa ashimangira ko uyu ari umwanya wo kongera imbaraga mu bikorwa harebwa ibitaragenze neza bigakosorwa mu maguru mashya.

Uko uturere twakurikiranye mu mihigo

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Kirehe: Ibigwi ’by’Imitavu’ yahinduye imyumvire y’abaturage
Kirehe: Ibigwi ’by’Imitavu’ yahinduye imyumvire y’abaturage

Imitavu ni itorero ry’abana bagera ku 100 bari hagati y’imyaka 6 na 15, rikorera ibikorwa byaryo mu murenge wa Gahara, akarere ka Kirehe. Ibikorwa byaryo bikaba byaragize uruhare mu guhindura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.