Advertisement
 
 
 
 
 
 
 
 

Amakuru | Mu Ntara

Abaturage b’i Musanze basobanuriwe ikibahoza inyuma mu mihigo   

  Yanditswe na NGABOYABAHIZI PROTAIS
 2 months ago

 
 

Abaturage bo mu karere ka Musanze basobanuriwe impamvu baje ku mwanya wa nyuma mu mihigo nyuma y’ibyumweru birenga bibiri bagaragaje ko badashimishwa no kubona bahora inyuma mu mihigo mu gihe bafite ubutaka bwera cyane, Akarere kabo kakaba gafatwa nk’icyitegererezo mu gukurura ba mukerarugendo n’ibindi.

Umuyobozi w’Akarere ka Musanze Musabyimana Jean Claude, yatanze ibisobanuro birambuye imbere y’abaturage bo mu murenge wa Gataraga nyuma y’Umuganda ngarukakwezi wabaye ku wa 24 Nzeri 2016.

Yashimangiye ko kuba Akarere ka Musanze karaje inyuma mu mihigo nta wundi byakwitirirwa uretse abagaturiye kuko ari bo bafite mu biganza kuba kashyira mu bikorwa ibyo kiyemeje gukora ndetse kakanarenzaho.

JPEG - 158 kb
Musabyimana asobanurira abaturage icyatumye baza ku mwanya wanyuma mu mihigo (Foto Ngaboyabahizi P)

Musabyimana yagize ati “Nitwe abaturage ba Musanze twabigizemo uruhare. Twahawe Girinka, twatojwe kubaka akarima k’igikoni no kugakoresha, ariko ntitugaburiara abana bacu uko bikwiye tukarwaza bwaki. Twubatse imihanda ya kaburimbo myinshi kandi myiza, ariko bamwe baracyayigendamo bambaye ibirenge bagakurizamo kurwara amavunja..."

Yakomeje agaragaza ko kuba hakiri abaturage batagira isuku ku mubiri n’aho batuye biri mu bikidindiza Akarere kuko amahirwe yo kugira ubutaka burumbuka yiyongeraho n’ayo bagenerwa muri gahunda za Leta ariko ntibayakoreshe uko bikwiye.

Ati “Tuzaharanira gukomeza kongera ibikorwa by’iterambere harimo imihanda, amazi meza n’amashanyarazi ariko namwe murasabwa kumva ko iyo akarere kabaye akanyuma bititirirwa Meya wenyine, twese biratureba.”

Nduwayo Gerard umwe mu baturage bo mu murenge wa Gataraga yashimiye umuyobozi wabo kuba yabagaragarije intege nke bafite nk’abaturage n’uruhare bafite mu kwesa imihigo.

Yagize ati “Tugiye guhagurukira isuku muri byose, dutegurire abana bacu indyo yuzuye, uretse ko n’abakuru bakwiye indyo nk’iyo kugira ngo abashe gukorera igihugu. Ariko nanone turacyafite ikibazo cyo kuba tudasurwa n’abayobozi ngo batugezeho imwe mu mihigo…”

Mu mu hango wo kwesa imihigo wabaye tariki 9 Nzeri, Akarere ka Musanze kaje ku mwanya wa 30 n’amanota 70.37%. Abaturage baravuga ko nyuma yo kumva aho bipfira basaba abayobozi kubaba hafi bagafatanya gukosora ibitagenda.

Indi nkuru bifitanye isano: Abaturage b’i Musanze ntibiyumvisha uko bahora inyuma mu mihigo

JPEG - 201.8 kb
Musabyimana arasaba abaturage kumufasha kwesa imihigo kuko ibibazo byinshi bihari ari bo bireba (Foto Nngaboyabahizi P)
 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ngoma: Akarere karishyurira ES Mutenderi umwenda wa miliyoni 80
Ngoma: Akarere karishyurira ES Mutenderi umwenda wa miliyoni 80

Ubuyobozi bw’Akarere ka Ngoma buvuga ko bwahawe isomo rikomeye n’ideni ry’amafaranga y’u Rwanda agera kuri miliyoni 80 akarere karimo kwishyurira ishuri ryisumbuye rya Mutenderi (ES Mutenderi), (...)

Karongi: Imirima y’abaturage imaze imyaka 4 yarigaruriwe na rwiyemezamirimo
Karongi: Imirima y’abaturage imaze imyaka 4 yarigaruriwe na rwiyemezamirimo

Bamwe mu baturage bo mu mirenge wa Rugabano na Rubengera mu karere ka Karongi, barasaba ko bahabwa uburenganzira bwo kubyaza umusaruro imirima yabo, kuko kuyegurira rwiyemezamirimo babibonamo (...)

Nyamasheke: Akarere gahangayikishijwe n’ingurane z’abaturage zatinze kuboneka
Nyamasheke: Akarere gahangayikishijwe n’ingurane z’abaturage zatinze kuboneka

Ubuyobozi bw’Akarere ka Nyamasheke buravuga ko buhangayikishijwe n’ikibazo cy’abaturage 324 bafite imitungo yabo yangijwe mu ikorwa ry’umuhanda Nyamasheke-Karongi, magingo aya bakaba batarahabwa (...)

Rwamagana: Hanenzwe ababyeyi bahorana intonganya mu ngo
Rwamagana: Hanenzwe ababyeyi bahorana intonganya mu ngo

Minisitiri w’ubutegetsi bw’igihugu Kaboneka Francis, arasaba abanyarwanda kubungabunga umutekano w’igihugu, ariko ugahera mu ngo zabo, abarara barwana bakabyihana kuko nabyo bibarwa mu bihungabanya (...)

Rusizi: Abapasiteri 21 bageze mu zabukuru bagabiwe inka
Rusizi: Abapasiteri 21 bageze mu zabukuru bagabiwe inka

Itorero Méthodiste Libre mu Rwanda ryagabiye inka abapasiteri 21 bageze mu zabukuru, mu rwego rwo kubafasha kugira amasaziro meza. Ubuyobozi bw’iri torero bwemeza ko ari ubwa mbere gahunda nk’iyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.