Advertisement
 
 
 
 
 
 
 
 

Amakuru | Mu Ntara

Abakomoka i Rubavu batakihatuye bakanzwe n’ubuyobozi bubasaba inyunganizi   

  Yanditswe na IYAREMYE YVES
 3 weeks ago

 
 

Ubuyobozi bw’Akarere ka Rubavu bwahumurije bamwe mu bagakomokamo basigaye batuye mu mujyi wa Kigali n’iyindi, baherutse gutumuzwa ntibabishire amakenga bagatangira gukeka ko Akarere kabashakamo amafaranga.

Abakomoka muri aka karere batagituye muri aka karere kubera impamvu z’akazi, ubucuruzi n’ibindi bagize impungenge nyuma ubuyobobozi bw’Akarere buteguriye inama izabuhuza n’abahakomoka batuye ahandi, abafatanyabikorwa ndetse n’inshuti z’Akarere.

Bamwe muri bo batangiye guhwiwisa ko akarere gashaka kubaka amafaranga, cyane ko abimutse benshi bafite imirimo ibatunze aho bari ari na cyo gituma ubuyobozi bubakeneye.

Mu kiganiro n’abanyamakuru Sinamenye Jeremie umuyobozi w’Akarere ka Rubavu ari kumwe n’abayobozi b’Akarere bungirije bagaragaje ko ikigenderewe atari ugusaba abakomoka mu karere amafaranga kuko kugeza ubu nta kibazo kidasanzwe gihari ahubwo ko akarere kabakeneyeho ibitekerezo byubaka muri bo kuko bazi ibyiza by’akarere kabo.

JPEG - 230 kb
Ubuyobozi bw’Akarere buremeza ko gutumira abagakomokamo bitagamije kubasaba amafaranga

Umuyobozi w’Akarere yagize ati ’’Ndagira ngo byumvikane neza ko gutumira iyi nama bidafite aho bihuriye no gusaba amafaranga hatazanagira ugira impungenge bikanatuma atitabira. Icyo akarere kabakeneyeho mbere ya byose ni ibitekerezo byubaka bishingiye ku byo bigiye ahandi.’’

Yongeyeho ko ikigenderewe by’umwihariko ari uguhura hagamijwe kumenyana hagati yabo n’ubuyobozi, hagashyirwaho ihuriro rizajya ribahuza ari na ryo murongo uzajya ucishwamo ibitekerezo.

Abayobozi b’Akarere bahamije ko hari amahirwe menshi yakabaye abyazwa umusaruro hashingiwe ku bitekerezo byatangwa n’abagakomokamo by’umwihariko, kuko bakazi neza hakiyongeraho n’ibyo bigiye aho bimukiye.

Bamwe mu baturage bagaragaza ko guhurizwa hamwe byari bikenewe nyuma yo guterwa ipfunwe n’umwanya Akarere kabo kabonye mu mihigo bakaba biteguye gutanga ibitekerezo byo gukosora ibitagendaga neza.

Hitimana Amza ukorera mu mujyi wa Kigali yagize ati ’’Iyi nama tuzayitabira kuko natwe twari dukeneye umurongo tuzajya tubarizamo ubuyobozi bw’iwacu impamvu ibikorwa bimwe na bimwe bidindira bikanatuma duhorana ipfunwe ry’imyanya idasobanutse mu mihigo.’’

Biteganyijwe ko iyi nama izahuza ubuyobozi bw’Akarere ka Rubavu n’abagakomokamo bimukiye ahandi, abafatanyabikorwa ndetse n’inshuti zako izabera i Kigali kuri Petit Stade ku wa 19 Ugushyingo 2016 guhera saa tatu.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.