Advertisement
 
 
 
 
 
 
 
 

Amakuru | Mu Ntara

Abacengezi batwikiye amakuru y’abasaga 40000 mu biro bya Komini Bulinga   

  Yanditswe na MUHIZI ELISEE
 4 months ago

 
 

Abaturage bo mu mirenge y’Akarere ka Muhanga yahoze muri Komini Mushishiro bashishikarijwe kwitabira gahunda yo gutanga amakuru ashyirwa mu bitabo by’irangamimerere kuko abnshi muri bo bamaze imyaka 18 bataditswe mu bitabo by’irangamimerere.

Ibi ngo byatewe n’uko ibiro by’icyahoze ari Komini ya Bulinga muri Perefegitura ya Gitarama byagabweho ibitero n’abacengezi mu mwaka wa 1998 bakabitwika hagahiramo inyandiko zirimo n’amakuru y’irangamimerere y’abaturage.

Murereramfura Alphonse wahoze ari Umujyanama w’Umusigire (Conseiller Suppléant) nyuma ya Jeneoside yakorewe Abatutsi ari nabwo iyi Komini Buringa yatwikwaga ubugira kabiri, avuga ko abaturage barenga ibihumbi 40 bari batuye muri iyi Komini basigaye nta bitabo by’irangamimerere bishobora kwerekana ko ari Abanyarwanda kubera ko byose byatikiriye muri iyo nzu.

Yitanzeho urugero agira ati “Narasezeranye ariko nta gapapuro na kamwe nshobora kwerekana kagaragaza ko nigeze nsezerana imbere y’ubutegetsi.”

Minisitiri w’Ubutegetsi bw’igihugu Kaboneka Francis, ubwo yatangizaga ukwezi kwahariwe irangamimerere mu murenge wa Mushishiro umwe wari muri iyi Komini, ubu ni mu karere ka Muhanga, yasabye abaturage kudacikanwa no kwandikisha abana babo ku buntu mu gihe cy’iminsi 30.

JPEG - 429.2 kb
Minisitiri Kaboneka Francis na Meya Uwamariya Beatrice bakurikirana uko abaturage bandikisha abana (Foto Muhizi E)

Uyu murenge uri mu cyahoze ari Komini Bulinga wahuye n’ibibazo by’umutekano muke ugatwikwa n’abacengezi inshuro ebyeri zose ku buryo ibijyanye n’irangamimerere byose byangirikiyemo.

Minisitiri Kaboneka yavuze ko itegeko ryasohotse mu mwaka wa 1988 rirebana n’irangamimerere ritakigezweho kubera ko ryagoraga abaturage kwandikisha abana babo ndetse n’ibirebana no gushyingirwa, kuvuka no kwandukuza abitabye Imana.

Yagize ati “Turifuza ko ababuze ibyangombwa icyo gihe babihabwa ku buntu ariko hatabayemo uburiganya, abana bose batigeze bandikwa mukabandikisha ku buntu nta kiguzi cyangwa ihazabu mutanze.”

Umuyobozi w’Akarere ka Muhanga Uwamariya Béatrice, avuga ko kwandikisha abana n’ibindi bijyanye nabyo bigiye korohereza abaturage baganaga inkiko kubibonera hafi ku rwego rw’umurenge ndetse no ku kagari kandi bikaba ngombwa ko badatakaza n’igihe bajya cyangwa se bava ahatangirwa ibyangombwa by’irangamimere.

Itegeko rirebana n’irangamimerere ryo mu 1988 ryavugaga ko umwana yandikwa bitarenze iminsi 15, umuturage wayirenzaga yatangaga ihazabu y’amafaranga y’u Rwanda ibihumbi bitanu. Abana bazandikwa bahera kuva bavuka kugeza ku myaka 18 y’amavuko kandi nta mafaranga batanze.

Abaturage bo mu karere ka Muhanga bishimiye cyane kuba izi serivisi zibegerejwe kuko hari n’abatumvaga agaciro ko kwandikwa mu bitabo bya Leta ariko ngo baragasobanukiwe.

 

Comments

 
 
Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.