2017-06-26 13:56:47 clouds 27o High | Kigali Rwanda

Dukurikire:
 
 

Zambia: Bane bashinjwa ubwicanyi bwateje urugomo ku Banyarwanda baritaba urukiko

Yanditswe na IMVAHO NSHYA

Kuya 2016-05-11 07:39:06

 
Share on:
 
Yasuwe:16
 
Yavuzweho:200
 
10
 
10

Polisi ya Zambia yatangaje ko yataye muri yombi abantu bane bashinjwa ubwicanyi bufite aho buhuriye n’ubupfumu bwatumye abanyamahanga biganjemo Abanyarwanda bakorerwa urugomo muri Mata 2016.

Abafashwe ni abasirikare babiri, umukozi ukorera ingabo zirwanira mu kirere za Zambia n’umupfumu.

Itangazo umuvugizi wa polisi y’icyo gihugu yashyize ahagaragara rivuga ko baritaba urukiko kuri uyu wa kabiri bakisobanura ku cyaha cyo kwica abaturage barindwi bakabaca bimwe mu bice by’umubiri.

Ati” Abo bantu barindwi bose bishwe kimwe, babakubitaga ikintu mu ruhande rw’ibumoso rw’umutwe, bakabaca bimwe mu bice by’umubiri ubundi bakabajugunya hafi y’ingo.”

JPEG - 54.6 kb
Imitungo y’abanyarwanda baba muri Zambia yangijwe n’insoresore

Muri Mata polisi yavuze ko abishwe baciwe amatwi, imitima n’ibitsina bigakekwa ko ababikoze bajyanaga ibyo bice by’umubiri mu bupfumu.

Abaturage ba Zambia bahise bigabiza amaduka n’ingo z’abanyamahanga cyane cyane Abanyarwanda bangiza imitungo yabo ku buryo bamwe basizwe iheruheru bagahungira mu bindi bihugu abandi bakagaruka mu Rwanda.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE