Advertisement
 
 
 
 
 
 
 
 

Amakuru | Mu Mahanga

Zambia: Abanyarwanda babujijwe kwihutira gusubira ahatuwe cyane   

  Yanditswe na NTAWITONDA JEAN CLAUDE
 April 2016

 
 

Ambasade y’u Rwanda muri Zambia yatangaje ko umutekano w’Abanyarwanda bari muri Zambia ukomeje kubungabungwa ndetse hatangiye kuboneka agahenge, ariko isaba Anyarwanda kwirinda gusubira mu duce dutuwe cyane cyangwa amaduka yari yagabweho ibitero mbere y’uko umutekano wabo ubungabunwa ijana ku ijana.

Mu itangazo ryashyizwe hanze na Ambasade y’u Rwanda muri iki gihugu ahagana saa moya z’umugoroba zo kuri uyu wa 20 Mata, hagaragajwe ko igice kinini cy’Umurwa Mukuru Lusaka kimaze kugarurwamo umutekano.

Iri tangazo riragira riti “Turizera ko n’ijoro ariko riri bugende. Abayobozi ba Zambia batwijeje ko hari ingamba zihamye zafashwe mu gucunga umutekano w’abatuye igihugu bose.”

JPEG - 142.3 kb
Amaduka yiganjemo ay’Abanyarwanda yasahuwe

Abanyarwanda kandi basabwe kwitabaza Sitasito za Polisi zibegereye kugira ngo bahabwe ubuhungiro bwihuse mu gihe baba bahohotewe; Basabwe kwihangana kuko abakekwa bategerejwe imbere y’ubutabera bw’iki gihugu.

Kuva ku wa mbere ni bwo abaturage bo muri Zambia basahuye amaduka yiganjemo ay’Abanyarwanda bahatuye, bivugwa ko byatewe n’urupfu rw’abaturage barindwi ba Zambia baciwe bimwe mu bice by’imibiri igakoreshwa mu bupfumu.

Nk’uko tubikesha BBC Polisi ya Zambia iri gukora iperereza kuri uru rupfu rushinjwa Abanyarwanda nta makuru afatika ahari.

Umuvugizi wa Polisi muri Zambia, Charity Chanda, yavuze ko ubwicanyi n’ubusahuzi byakozwe n’abataramenyekana ariko hakaba hamaze gufatwa abagera kuri 250 bakekwa kugira uruhare.

Perezida wa Zambia, Edgar Lungu, na we yamaganye ubu bwicanyi bwatwaye ubuzima bw’abasaga batanu barimo na babiri batwitswe ari bazima.
Guverinoma ya Zambia yatanze abapolisi 1000 bo guhagarika iri hohoterwa ryafashe isura nk’irimaze igihe kirenga imyaka 22 rikorerwa abanyamahanga muri Afurika y’Epfo.

JPEG - 114.5 kb
Guverinoma ya Zambia yarekuye abapolisi 1000 bo guhosha imyigaragambyo
 

Comments

 
 
Abadepite bo muri Afurika y’Epfo barwaniye mu nteko
Abadepite bo muri Afurika y’Epfo barwaniye mu nteko

Abadepite bo muri Afurika y’Epfo barwaniye mu nama y’Inteko rusange ku wa Kane ku ya 9 Gashyantare 2017, bakiranurwa nuko abashinzwe umutekano basohoye ku mbaraga bamwe muri bo. Izo mvururu (...)

USA: Yatanye n’umugabo bari bamaranye imyaka 22 amuziza ko yatoye Trump
USA: Yatanye n’umugabo bari bamaranye imyaka 22 amuziza ko yatoye Trump

Umukecuru wo muri Leta ya California, USA, yatandukanye n’umugabo bari bamaranye imyaka 22 amaze kumenya ko yatoye Donald Trump. Gayle McCormick w’imyaka 73, yabwiye The Evening Standard ko (...)

U Rwanda rwashinzwe kuyobora akanama k’umutekano ka AU
U Rwanda rwashinzwe kuyobora akanama k’umutekano ka AU

U Rwanda nirwo ruyoboyr Akanama k’Amahoro n’Umutekano k’Umuryango w’Ubumwe bwa Afurika, AUPSC muri uku kwezi kwa Gashyantare 2017. Rusimbuye Sierra Leone nk’uko biri mu itangazo rya Minisiteri (...)

Amafoto: Barack Obama uri mu kiruhuko yerekanye ko agifite amaraso ya gisore
Amafoto: Barack Obama uri mu kiruhuko yerekanye ko agifite amaraso ya gisore

Obama wayoboye Leta Zunze Ubumwe za Amerika mu myaka umunani ishize, yagaragaye yidagadura mu kiruhuko mu mikino ya gisore mu birwa bya Caribbean ari kumwe n’umuherwe Richard Branson. Amafoto (...)

USA: Inzego z’ubutasi zahagurukiye abavuga ko bashaka ko Perezida Trump yicwa
USA: Inzego z’ubutasi zahagurukiye abavuga ko bashaka ko Perezida Trump yicwa

Mu minsi 12 ishize Donald Trump arahiriye kuyobora Leta Zunze Ubumwe za Amerika, abantu batandukanye batangaje babinyujije ku mbuga nkoranyambaga ko bifuza ko uyu muperezida utavugwaho rumwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.