2017-08-20 07:43:19 clouds 27o High | Kigali Rwanda

Dukurikire:
 
 

USA: Nyirarukundo yanditse igitabo “Carrying Devine” kivuga kuri Jenoside

Yanditswe na IMVAHO NSHYA

Kuya 2017-04-28 11:19:25

 
Share on:
 
Yasuwe:454
 
Yavuzweho:200
 
10
 
10

Nyirarukundo Herniette, umwe mu Banyarwanda barotse Jenoside yakorewe Abatutsi mu Rwanda ubu uba muri Leta Zunze Ubumwe z’Amerika muri Leta ya Indiana, yanditse igitabo kivuga kuri Jenoside.

Mu buhanya yatanze mu gikorwa cyo kwibuka ku nshuro ya 23 Jenoside yakorewe Abatutsi mu 1994, yagarutse ku nzira y’umusaraba yanyuzemo mu gihe cya Jenoside n’uburyo yatotejwe n’umuryango we abandi bakicwa, avuga ko ibyo yabonye ari byo byatumye agira imbaraga zo kwandika igitabo yise “Carrying Divine’’ ni igitabo kivuga ku mateka ya Jenoside yakorewe Abatutsi mu Rwanda. Mu buhamya bwe yagarutse ku ngabo za MINUAR zanze kumuvurira umwana wari watemwe.

Umwanditsi w’icyo gitabo agaragaza uburyo abo basirikare ba Minuar bitwaga ko baje guha Abanyarwanda amahoro, batandukanyaga abantu bashingiye ku bwoko kuko bafashaga abazungu.

JPEG - 273.9 kb
Herniette Nyirarukundo wanditse igitabo

Nyirarukundo avuga ko yaje kuvana icyizere mu ijambo ry’Imana yabwiwe n’umuvandimwe, amwizeza ko Imana izamurinda akarokoka, kuva ubwo yasezeranyije Imana ko narokoka azandika igitabo, akabwira amahanga ibibazo Abatutsi bahuye na byo muri Jenoside.

Olivier Bahizi Uwineza, umwe mu Banyarwanda baba muri Amerika bari mu muryango “Peace Centre” ari na we dukesha iyi nkuru, avuga ko kuba Nyirarukundo yaranditse igitabo ndetse n’izina yagihaye abishingira ku kuba yararokotse ndetse n’umwana yari atwite ubu wakuze akamwitirira icyo gitabo, yabwiye abari mu gikorwa cyo kwibuka ko ibyinshi yanyuzemo biri muri iki gitabo yise “ Carrying Divine”.

Yasabye abarokotse ko bashyira ahagaragara ubuhamya bwabo, bakavuga ibyababayeho, kugira ngo bimenyekane ndetse binabaruhure ku mutima.

Umwanditsi Nyirarukundo avuga ko muri icyo gitabo yifuje ko abatazi u Rwanda bamenya ko mbere ya Jenoside cyari igihugu cyiza, ko ndetse na nyuma yaho u Rwanda ari nyabagendwa. Ati: “Bavandimwe bene wacu, mumenye ko ari twe Rwanda, abatubona uko twitwara, uko duteye, babona iyo dukomoka. U Rwanda rwari rwiza, ruracyari rwiza.”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE