2017-07-22 11:46:59 clouds 27o High | Kigali Rwanda

Dukurikire:
 
 

USA: Leta eshatu zatoye itegeko ryemera ikoreshwa ry’urumogi

Yanditswe na IMVAHO NSHYA

Kuya 2016-11-10 05:19:22

 
Share on:
 
Yasuwe:1
 
Yavuzweho:200
 
10
 
10

Leta zimwe na zimwe zo muri Leta Zunze Ubumwe za Amerika ntizatoye Perezida mushya gusa kuko zongeyeho no gutora amategeko ajyanye n’ubuzima bw’abaturage, hakaba harimo no guhindura imyumvire ku ikoreshwa ry’ibiyobyabwenge nk’urumogi rukemerwa.

Nk’uko bitangwaza na Fox News, izi Leta ni California, Massachusetts na Nevada zemeje itegeko ryemera urumogi gucuruzwa hagamijwe guhindura imyumvire abantu basanzwe barufiteho ko ari ikiyobyabwenge gusa.

Ubusanzwe urumogi rwari rusanzwe rwemewe muri Leta Enye za USA ari zo Alaska, Colorado, Oregon na Washington iri kumwe na Washington, D.C. Leta eshatu ziyongereyeho zifasha kongera abanywi b’uburomogi ku mugaragaro bavuye kuri 5% bakaba bageze 20%.

JPEG - 120.6 kb
Ikoreshwa ry’Urumogi rimaze kwemezwa muri Leta ndwi za Leta Zunze Ubumwe za Amerika

Earl Blumenauer umwe mu bademokarate bashyigikiye ko urumogi rwemezwa muri Oregon yahamije ko amategeko yashyizweho atuma abayobozi babona ko urumogi ari nk’inzoga zisanzwe zemewe. Bityo buri Leta ikaba igomba gutora itegeko uko ibyumva.

Yagize ati “Ntabwo ubuyobozi bushya buzakomeza kwemera kurwana izi ntambara zidashinga zitangatanga umusaruo ku biyobyabwenge.”

Leta zikumira ikoreshwa ry’ibiyobyabwenge zamagana icuruzwa ry’urumogi no mu bihugu byemerewe kurucuruza. Ariko ibihugu byemeje icuruzwa ryabyo byashyizeho itegeko risa n’ibirivuguruza kuko ngo bagiye gusaba Washington kwihorera Leta zitarabyumva.

Ubushakashatsi bwa Gallup bwakozwe mu Kwakira mu gihugu hose bwagaragaje ko 60% by’abaturiye muri Leta Zunze Ubumwe bifuza ko urumogi rwakwemerwa n’amategeko ngo kikaba ari ikigero kiri hejuru mu buryo bwatunguranye cyane guhera mu myaka 47 ishize.

Umubare w’abeza urumogi ukomeje kwiyongera ari na ko zimwe mu mpuguke zinagaragaza ko nta bushakashatsi buhagije burakorwa ku ngaruka z’ibiyobyabwenge ari na yo mpamvu kurwemeza nta kintu bishingiyeho gifatika cyakwerekana niba utwaye imodoka ashobora kurangazwa n’uko yarunyoye cyangwa yakomeza gutwara nk’umubare munini w’abanywa inzoga.

Abashyigikiye urumogi baravuga ko babonye ubutabera kuko bigabanya umubare w’abantu benshi bafungwaga ari urumogi bahowe. Lauren Mendelsohn ubarizwa mu nama y’Ikigo cyigisha ikoreshwa ry’ibiyobwabwenge ari na cyo cyatangije ubukangurambaga busaba Leta kureka kwirukanka inyuma y’abanywarumogi yavuze ko California igize intsinzi ubugira kabiri.

Yagize ati “Biragaragariza igihugu cyose ko gukumira urumogi atari cyo gisubizo cy’ibibazo rwateza.”

Kuva urumogi rutangiye gucuruzwa tariki 6 Ugushyingo, California ngo imaze kwinjiza miliyoni 23 z’amadolari ya Amerika arukomokaho nk’uko bigaragazwa n’Umunyamabanga wa Leta ya California zinyuze mu baherwe basanzwe barucuruza rwihishwa.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE