2017-06-24 12:54:56 clouds 27o High | Kigali Rwanda

Dukurikire:
 
 

USA: Indi ndege yaburiwe irengero mu gace ka Bermuda Triangle

Yanditswe na IMVAHO NSHYA

Kuya 2017-05-17 07:30:10

 
Share on:
 
Yasuwe:1450
 
Yavuzweho:200
 
10
 
10

Indege yari itwaye abantu bane ivuye mu gihugu cya Puerto Rico yerekeza muri Leta Zunze Ubumwe za Amerika yaburiwe irengero mu birwa bya Bahamas mu gace k’amayobera ka Bermuda Triangle.

Yahoo News ivuga ko ku kibuga cy’indege cya Titusville muri Leta ya Floride babuze iyo ndege yari itwaye abantu bane ku wa mbere kugeza n’ubu bakaba bakiyishakisha.

Ikimenyetso cyayo cya nyuma cyagaragaye yinjiye mu gace ka Bermuda Triangle kazwiho kuba karaburiyemo indege n’amato byinshi mu mateka y’Isi ndetse n’ubu icyaba kibitera cyashobeye abashakashatsi.

Iyo ndege yari itwaye uwitwa Jennifer Blumin, Nathan Urlich n’abana ba Blumin babiri.

JPEG - 67 kb
Inzego z’umutekano wo mu nyanja zikomeje gushakisha iyo ndege

Ubuyobozi bw’ingendo z’indege mu mujyi wa Miami buvuga ko iyo ndege yabuze igeze hejuru neza y’ikirwa cya Eleuthera, aho yagurukiraga muri kilometero 7.3 z’ubujyejuru ku muvuduko wa kilometero 555 ku isaha.

Agace ca Bermuda Triangle kazwiho kuburirwamo indege n’amato mu buryo budasobanutse kuva mu 1492. Kigeze kuburiramo indege 5 z’intambara za USA zari mu myitozo ku ya 5 Ukuboza 1945.

Abashakashatsi bavuga ko byaba biterwa n’imiterere yako yiganjemo ibirunga n’imitingito iteza imbaraga za rukuruzi, ariko hakaba n’abavuga ko haba hari imbaraga z’ibivejuru.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE