2017-12-11 14:03:29 clouds 27o High | Kigali Rwanda

Dukurikire:
 
 

USA ikomeje gushyira igitutu ku Bushinwa ngo buhane Koreya ya Ruguru

Yanditswe na IMVAHO NSHYA

Kuya 2017-07-31 07:48:01

 
Share on:
 
Yasuwe:165
 
Yavuzweho:200
 
10
 
10

Leta Zunze Ubumwe za Amerika, USA, ikomeje gusaba u Bushinwa gufatira ibihano bikarishye Koreya ya Ruguru, bitaba ibyo hagafatwa izindi ngamba.

Ambasaderi wa USA muri Loni, Nikki Haley yavuze ko ibiganiro n’u Bushinwa ku guhana Koreya ya Ruguru byadindiye ku buryo bukabije, ndetse atanga itariki ntarengwa yo kugira ngo u Bushinwa bube bwafashe umwanzuro ntakuka.

Ni nyuma y’uko na Perezida Donald Trump ashinje u Bushinwa gukindira ikibaba Koreya ya Ruguru, abinyujije kuri Twitter.

Ambasaderi Haley yagize ati “ Nta mpamvu yo kongera gutumiza akanama k’umutekano ka Loni nta mwanzuro wo guhana twihanukiriye Koreya Ruguru turafata. U Bushinwa bugomba kwanzura kuri iyo ngingo, naho ubundi igihe cy’ibiganiro hagati yacu cyo cyararangiye.”

JPEG - 43.6 kb
USA ikomeje gushyira igitutu ku Bushinwa ngo buhane Koreya ya Ruguru

Amerika ishaka ko ibihano kuri Koreya ya Ruguru bikazwa, bikagera aho guhabwa akato gashingiye kuri peteroli, ntihagire iyongera gusohokamo cyangwa kwinjizwamo.

Kugeza ubu u Bushinwa bwari bwifashe cyane ku guhana igihugu bituranye kandi bikaba bifitanye umubano w’ubucuruzi ukomeye. RFI ivuga ko kuri uyu wa Mbere bwasabye USA ko ikorwa ry’intwaro za kirimbuzi rikwiye gutandukanywa n’ubuhahirane mu bucuruzi busanzwe.

Minisitiri wungirije w’ubucuruzi Qian Keming yavuze ko umubano w’ubucuruzi hagati ya USA n’u Bushinwa udakwiye kubangikanywa n’ibihano byafatirwa Koreya ya Ruguru.

Ati “Twe tubona ikibazo cy’ibisasu bya Koreya ya Ruguru n’ubucuruzi hagati ya Amerika n’u Bushinwa ari ibintu bibiri bitandukanye, bidakwiye kuganirirwa hamwe.”

U Bushinwa bwakunze gushyirwa mu majwi ko bufasha Koreya ya Ruguru ndetse hari zimwe mu nganda zabwo zikora imodoka zitwara misile n’izindi zifasha leta ya Kim Jong Un gukora ikinyabutabire cya Lithium 6 gikoreshwa ibisasu bya kirimbuzi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE