2017-05-26 15:17:06 clouds 27o High | Kigali Rwanda

Dukurikire:
 
 

(Updates) : Umunyarwandakazi mu basaga 200 bakomerekeye mu bitero by’i Buruseli

Yanditswe na IMVAHO NSHYA

Kuya 2016-03-22 08:25:04

 
Share on:
 
Yasuwe:0
 
Yavuzweho:200
 
10
 
10

Ibitero by’iterabwoba ku kibuga cy’indege cya Zaventem na Metro ya Maalbek mu Bubiligi bimaze kugwamo ababarirwa muri 34 no gukomeretsa ababarirwa muri 230 barimo n’Umunyarwandakazi.

Ambasaderi w’u rwanda mu Bubiligi yatangaje ko uwakomeretse ari umunyeshuri w’umunyarwanda wiga muri icyo gihugu.

Ati"Yakomeretse, afite akabaru k’igisasu (eclat) mu kuguru. Twavuganye ameze neza ashobora gusezererwa mu bitaro isaha ku isaha.

Ibisasu bibiri byaturikiye ku kibuga cy’indege mpuzamahanga cya Zaventem mu Bubiligi no kuri Metro ya Maalbek mu gitondo cyo kuri uyu wa Kabiri.

Ibiro Ntaramakuru Belga bivuga ko igisasu cyatewe ku kibuga cy’indege cya Zaventem cyahitanye nibura 13.

Byaturikiye hafi y’ahategerwa indege za kompanyi yo muri Leta Zunze Ubumwe za Amerika, American Airlines.

Ikindi gisasu cyaturikiye kuri sitasiyo ya Metro ya Maalbek. Abatangabuhamya bavuga ko babonye umwotsi mwinshi ucucumuka muri iyo Metro, yegereye inyubako z’Umuryango w’Ubumwe bw’u Burayi.

RT ivuga ko icyo gisasu cyo kimaze guhitana abasaga 15.

Umwe mu bagize guverinoma y’u Bubiligi yamaze gutangaza ko ari igitero cy’iterabwoba. Amafoto acicikana ku mbuga nkoranyambaga agaragaza abagenzi bari kuri icyo kibuga biruka badandabirana, bamwe bakomeretse abandi bararira.

Ingendo zose z’indege zanyuraga kuri icyo kibuga zahagaritswe, indege zari zikiri mu kirere ziyoborwa ku kibuga cya Antwerp.

Inzira zose za Metro naze zafunzwe mu mujyi wa Buruseli.

JPEG - 52.3 kb
Abagenzi bamwe bakomeretse
JPEG - 83.8 kb
Umwe mu bakomeretse ategereje ubutabazi
JPEG - 55.7 kb
Ibirahuri by’ikibuga cy’indege byamenetse

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE