Advertisement
 
 
 
 
 
 
 
 

Amakuru | Mu Mahanga

(Updates) : Umunyarwandakazi mu basaga 200 bakomerekeye mu bitero by’i Buruseli   

  Yanditswe na HERVE UGIRUMUKUNDA
 March 2016

 
 

Ibitero by’iterabwoba ku kibuga cy’indege cya Zaventem na Metro ya Maalbek mu Bubiligi bimaze kugwamo ababarirwa muri 34 no gukomeretsa ababarirwa muri 230 barimo n’Umunyarwandakazi.

Ambasaderi w’u rwanda mu Bubiligi yatangaje ko uwakomeretse ari umunyeshuri w’umunyarwanda wiga muri icyo gihugu.

Ati"Yakomeretse, afite akabaru k’igisasu (eclat) mu kuguru. Twavuganye ameze neza ashobora gusezererwa mu bitaro isaha ku isaha.

Ibisasu bibiri byaturikiye ku kibuga cy’indege mpuzamahanga cya Zaventem mu Bubiligi no kuri Metro ya Maalbek mu gitondo cyo kuri uyu wa Kabiri.

Ibiro Ntaramakuru Belga bivuga ko igisasu cyatewe ku kibuga cy’indege cya Zaventem cyahitanye nibura 13.

Byaturikiye hafi y’ahategerwa indege za kompanyi yo muri Leta Zunze Ubumwe za Amerika, American Airlines.

Ikindi gisasu cyaturikiye kuri sitasiyo ya Metro ya Maalbek. Abatangabuhamya bavuga ko babonye umwotsi mwinshi ucucumuka muri iyo Metro, yegereye inyubako z’Umuryango w’Ubumwe bw’u Burayi.

RT ivuga ko icyo gisasu cyo kimaze guhitana abasaga 15.



Umwe mu bagize guverinoma y’u Bubiligi yamaze gutangaza ko ari igitero cy’iterabwoba. Amafoto acicikana ku mbuga nkoranyambaga agaragaza abagenzi bari kuri icyo kibuga biruka badandabirana, bamwe bakomeretse abandi bararira.

Ingendo zose z’indege zanyuraga kuri icyo kibuga zahagaritswe, indege zari zikiri mu kirere ziyoborwa ku kibuga cya Antwerp.

Inzira zose za Metro naze zafunzwe mu mujyi wa Buruseli.

JPEG - 52.3 kb
Abagenzi bamwe bakomeretse
JPEG - 83.8 kb
Umwe mu bakomeretse ategereje ubutabazi
JPEG - 55.7 kb
Ibirahuri by’ikibuga cy’indege byamenetse






 

Comments

Izina Ryanyu
IGITEKEREZO

 
 
Senegal yohereje ingabo  ku mupaka wa Gambia guhirika Perezida Jammeh
Senegal yohereje ingabo ku mupaka wa Gambia guhirika Perezida Jammeh

Igihugu cya Senegal cyashyize ingabo ku mupaka wa Gambia aho ziteguye guhirika Perezida Yahya Jammeh watsinzwe amatora akanga kuva ku butegetsi. Nubwo Senegal ari yo iyoboye igitero, iri kumwe (...)

Tanzania: Lowassa wahanganye na Perezida Magufuli mu matora yatawe muri yombi
Tanzania: Lowassa wahanganye na Perezida Magufuli mu matora yatawe muri yombi

Edward Lowassa wahoze ari Minisitiri w’Intebe akaba ari nawe mukandida ufatika wari uhanganya na Perezida John Pombe Magufuli yatawe muri yombi by’akanya gato azira gukoresha inama atabifitiye (...)

Zimbabwe: Umupasiteri afungiwe guhanura ko Perezida Mugabe azapfa muri uyu mwaka
Zimbabwe: Umupasiteri afungiwe guhanura ko Perezida Mugabe azapfa muri uyu mwaka

Umupasiteri witwa Patrick Mugadza yatawe muri yombi ku wa mbere azira guhanura ko perezida wa Zimbabwe, Robert Mugabe azapfa muri uyu mwaka wa 2017. Mu kiganiro n’itangazamakuru, uyu mupasiteri (...)

Trump yatangaje ko azavaniraho u Burusiya ibihano
Trump yatangaje ko azavaniraho u Burusiya ibihano

Donald Trump watorewe kuyobora Leta Zunze Ubumwe za Amerika yatangaje ko agiye kuvaniraho u Burusiya ibihano kugira ngo nabwo bwemere kugabanya ibisasu bya kirimbuzi bufite. Mu kiganiro (...)

U Burayi: Ubukonje bukabije bumaze guhitana abantu 65
U Burayi: Ubukonje bukabije bumaze guhitana abantu 65

Abantu 65 bamaze kwicwa n’ubukonje bukabije mu duce dutandukanye tw’u Burayi cyane cyane mu gihugu cya Bulgaria. Abenshi mu bapfa biganjemo abasheshe akanguhe n’abatagira aho batuye; barimo umusaza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.