Advertisement
 
 
 
 
 
 
 
 

Amakuru | Mu Mahanga

Umuyobozi wa Kaminuza ya Leta ya Kenya mu Rwanda arashinjwa kuyiba miliyoni 205   

  Yanditswe na HERVE UGIRUMUKUNDA
 April 2016

 
 

Kaminuza ya Leta ya Kenya y’Ubuhinzi n’ikoranabuhanga (Jomo Kenyatta University of Agriculture and Technology -JKUAT) irashinja umuyobozi w’ishami ryayo mu Rwanda kuyiba miliyoni 27 z’amashilingi y’icyo gihugu (205 000 000 frws).

Ubuyobozi bw’iyo kaminuza, ku wa 28 Mata 2016, bwasobanuriye inteko ishinga amategeko ya Kenya uburyo Anthony Luvanda yabibye ako kayabo k’amafaranga avuga ko ashaka kugura ikibanza cyo kubakwamo icyicaro cy’ishami ryabo mu Rwanda.

Umuyobozi wa Kaminuza wungirije Mabel Imbuga yavuze ko Luvanda wari uyoboye JKUAT-Kigali, yahise aburirwa irengero nyuma yo kubatekera imitwe akabacucura.
Imbuga yavuze ko ayo mafaranga yavuye mu nguzanyo idasanzwe kaminuza ya JKUAT yatse I&M Bank Rwanda na miliyoni 9 z’amashilingi ya Kenya yavuye mu mafaranga yatanzwe n’abanyeshuri.

JPEG - 56.3 kb
Umuyobozi mukuru wa Kaminuza ya JKUAT, Mabel Imbuga asobanurira inteko ishinga amategeko ya Kenya iby’ubujura bakorewe

Uyu muyobozi yasobanuriye inteko ya Kenya ko inama y’ubuyobozi bw’iyo kaminuza yari yemeje kugura ikibanza mu Rwanda ariko ko itigeze yemeza kwaka inguzanyo yo kukigura muri I&M Bank Rwanda.

Imbuga yavuze ko mu gihe bari bagikurikirana ibyemezo byo gukorera mu Rwanda muri Minisiteri y’Uburezi (MINEDUC) , uhagarariye JKUAT mu Rwanda yegereye iyo banki mu ibanga rikomeye akaka inguzanyo ubundi akabura.
Ati” Turi gukora iperereza ku buryo yabonye iyo nguzanyo adahawe uruhushya n’inama nkuru y’iyo kaminuza.”

Yongeyeho ko muri iki cyumweru ubuyobozi bukuru bwa Kaminuza ya Kenya y’Ubuhinzi n’ikoranabuhanga (JKUAT) buzasura u Rwanda bukamenya impamvu nyamukuru yihishe inyuma y’ubwo bujura.

Abadepite ba Kenya babajije impamvu umuyobozi w’ishami rya Kaminuza ya Leta ashobora guhabwa amafaranga angana gutyo atasinyiwe n’ubuyobozi bukuru…, butanabizi.

Depite uhagarariye komite ishinzwe gukurikirana Imari ya Leta ya Kenya mu Nteko , Adan Keynan, yagize ati” Ibi ntibyumvikana, biranatangaje ukuntu umuntu ku giti cye yegera banki agakoresha izina ry’ikigo cya Leta akaka inguzanyo ubundi akabura.”

Ikinyamakuru The Star kivuga ko Imbuga yasobanuye ko kaminuza ya JKUAT yari yemerewe n’amategeko gufungura amashami mu Rwanda na Tanzania idasabye uruhushya Minisiteri y’Uburezi.

Kaminuza ya JKUAT yafunguye ishami mu Rwanda mu 2010 bigenwe n’itegeko rya Leta ya Kenya ryo mu 1994 riha inama nkuru ya Kaminuza ubushobozi bwo gufata imyanzuro.

Iryo tegeko ryasimbuwe n’irya 2012 rigenga kaminuza nkuru za Leta y’icyo gihugu ryambuye kaminuza ububasha bwo kwifatira imyanzuro.

Kaminuza zo muri Kenya zikomeje gufungura amashami ya zo mu Rwanda; kuri ubu kaminuza yigenga Mount Kenya na JKUAT zatangiye kwigishiriza mu Rwanda mu gihe Kenyatta University yitegura gufungura ishami i Kigali muri uyu mwaka.

 

Comments

 
 
Abanyarwanda biga mu Bushinwa bibutse Jenoside yakorewe Abatutsi
Abanyarwanda biga mu Bushinwa bibutse Jenoside yakorewe Abatutsi

Abanyeshuri biga muri za kaminuza ziherereye mu mujyi wa Shenyanga mu Bushinwa, ku wa 9 Mata 2017, bahuriye mu gikorwa cyo kwibuka Jenoside yakorewe Abatutsi mu 1994. Shenyang n’umujyi uri mu (...)

Ingabo za Sudani y’Epfo zirashinjwa kwica abaturage
Ingabo za Sudani y’Epfo zirashinjwa kwica abaturage

Abaturage bo muri Sudani y’Epfo babarirwa mu bihumbi bitatu bahungiye muri Uganda, bashinja ingabo z’icyo gihugu kwica abaturage 17 mu mujyi wa Pajok. Reuters ivuga ko izo ngabo zarashe abaturage (...)

Amafoto: USA na S. Korea  mu myitozo yo kwereka ubuhangange Koreya ya Ruguru
Amafoto: USA na S. Korea mu myitozo yo kwereka ubuhangange Koreya ya Ruguru

Leta Zunze Ubumwe za Amerika yasohoye amafoto yerekana imyitozo ngarukamwaka y’ingabo zayo na Koreya y’Epfo. Ni imyitozo yitwa “Foal Eagle” iri gukorerwa ku ku nkombe z’inyanja mu gace ka Pohang (...)

U Burusiya: Abasaga 10 bahitanwe n’ibisasu
U Burusiya: Abasaga 10 bahitanwe n’ibisasu

Abantu basaga 10 bishwe n’ibisasu bibiri byatezwe kuri gariyamoshi mu mujyi wa St. Petersburg u Burusiya kuri uyu wa Mbere ku ya 3 Mata 2017. Perezida w’icyo gihugu, Vladimir Putin, uri muri St . (...)

Intambara ishobora kuvuka kubera senateri wa USA watutse Kim Jong Un
Intambara ishobora kuvuka kubera senateri wa USA watutse Kim Jong Un

Koreya ya Ruguru yatangaje ko ishobora gushoza intambara kuri Leta Zunze Ubumwe za Amerika kubera Senateri John McCain watutse Perezida wayo, Kim Jong Un. McCain yavuze kuri Perezida Kim Jong (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.