2017-08-21 15:16:56 clouds 27o High | Kigali Rwanda

Dukurikire:
 
 

Umuyobozi wa Boko Haram yakomerekeye mu gitero, bagenzi be bahasiga ubuzima

Yanditswe na IMVAHO NSHYA

Kuya 2016-08-23 13:37:42

 
Share on:
 
Yasuwe:1
 
Yavuzweho:200
 
10
 
10

Umuyobozi wa Boko Haram, Abubakar Shekau yakomerekeye bikomeye mu gitero cy’indege z’igisirikare cya Nigeria mu majyaruguru y’uburasirazuba bw’icyo gihugu mu cyumweru gishize.

Aljazeera ivuga ko ingabo za Nigeria zagabye igitero simusiga mu ishyamba rya Sambisa hafi y’ahitwa Gambaru muri Leta ya Borno hegeranye na Cameroon.

Umuvugizi w’igisirikare cya Nigeria, Col. Sanu Kukasheka Usaman yagize ati” Umuyobozi wabo witwa Abubakar Shekau yakomeretse bikomeye ku ntugu.”

Yongeyeho ko abandi bayobozi batatu ba Boko Haram barimo Abubakar Mubi, Malam Nuhu na Malam Hamman bapfuye naho abandi benshi bagakomereka.

JPEG - 80.7 kb
Ingabo za Nigeria zikomeje guhangana na Boko Haram

Uwo mutwe w’intagondwa ntacyo uravuga kuri ayo makuru. Icyo gitero cyagabwe ubwo abarwanyi ba Boko Hara bari bateraniye mu mihango itavuzwe izina.

Umunyamakuru wa AlJazeera uri mu mujyi wa Abudja avuga ko ingabo za Nigeria zateye mu rwego rwo kubohora abakobwa b’abanyeshuri uwo mutwe umaze imyaka ibiri ushimuse.

Ati” Icyo gitero cyabaye ku wa Gatanu ku birindiro bya Shekau. Tuzi ko abakobwa bashimuswe i Chibok ariho bafungiwe. Igisirikare cya Nigeria kivuga ko kiri gukora ibishoboka byose ngo kibarokore.”

Boko Haram yashimuse abakobwa 270 muri Mata 2014, ingabo za Nigeria zivuga ko bari mu ishyamba rya Sambisa.

Bibaye mu gihe umunyamabanga wa Leta Zunze Ubumwe za Amerika, John Kerry agiye gusura icyo gihugu akaganira na perezida wacyo Muhammadu Buhari ku kurandura uwo mutwe umaze imyaka 7 wica abaturage.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE