Advertisement
 
 
 
 
 
 
 
 

Amakuru | Mu Mahanga

Umuhungu wa Osama Bin Laden yasezeranyije USA ibyago n’amakuba   

  Yanditswe na IMVAHO NSHYA
 July 2016

 
 

Umutwe w’intagondwa wa Al-Qaeda washyize ahagaragara ijambo rigaragaramo Hamza Bin Laden avuga ko agiye guhorera ise akagaba ibitero by’iterabwoba bikakaye kuri Leta Zunze Ubumwe za Amerika (USA).

Umuhungu wa Osama Bin Laden avuga ko agiye kwihorera kuri USA yamwiciye umubyeyi, abinyujije mu gukomeza urugamba rw’umutwe wa al-Qaeda ise yasize adashoje.

Yabwiye Obama ati” Tuzakomeza kugukubitira iwawe mu gihugu no hanze yacyo duhorera uburyo watsikamiye abaturage bo muri Palestine, Afghanistan, Syria, Iraq, Yemen, Somalia n’ibindi bihugu bya Islam bitashoboye kurokoka igitugu cyawe.”

JPEG - 51 kb
Hamza Bin Laden akiri muto, ari kumwe na se

Yunzemo ati” Naho ku kwihorera kwa Islam ku rupfu rwa Sheikh Osama, Allah amugirire impuhwe, ntabwo ari uguhorera Osama ku giti cye ahubwo ni uguhorera abarwanira Islam.”

Osama bin Laden yiciwe mu bwihisho bwe muri Pakistan n’ingabo kabuhariwe za USA mu 2011, urupfu rwe rwaciye umugongo umutwe wa al-Qaeda.

Impapuro zashyizwe ahagaragara mu mwaka ushize zivuga ko uwo mutwe washakaga kubura umutwe uyobowe n’umuhungu we Hamza.

 

Comments

 
 
USA: Trump yananiwe gushyiraho itegeko risimbura ’Obamacare’
USA: Trump yananiwe gushyiraho itegeko risimbura ’Obamacare’

Perezida wa Leta Zunze Ubumwe za Amerika, Donald Trump, ku munota wa nyuma yanze ko inteko ishinga amategeko itora itegeko rigena uko Abanyamerika bivuza yari yashyizeho ngo risimbure ACA (...)

Centrafrique: Abasaga 20 baguye mu mirwano hagati y’imitwe yitwaje intwaro
Centrafrique: Abasaga 20 baguye mu mirwano hagati y’imitwe yitwaje intwaro

Abantu babarirwa muri 20 biganjemo abasivili baguye mu mirwano hagati y’imitwe yitwaje intwaro mu gace ka Bakouma muri Centrafrique muri iki cyumweru. AFP ivuga ko iyo mirwano yatangiriye mu (...)

Inkunga USA iha amahanga ishobora kuvaho
Inkunga USA iha amahanga ishobora kuvaho

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga (...)

Umuvugizi wa Polisi ya Uganda yarashwe arapfa
Umuvugizi wa Polisi ya Uganda yarashwe arapfa

AIGP Andrew Felix Kaweesi, umuvugizi wa Polisi ya Uganda yishwe arashwe mu gitondo cyo kuri uyu wa 17 Werurwe 2017. The New Vision ivuga ko yari imbere yiwe, ahitwa Kulambiro mu mujyi wa (...)

Tanzania: Abanyamakuru 9 birukanwe bazira kubeshya ko Trump yashimye Magufuli
Tanzania: Abanyamakuru 9 birukanwe bazira kubeshya ko Trump yashimye Magufuli

Televiziyo y’Igihugu ya Tanzania, TBC, yirukanye abakozi bayo icyenda batangaje inkuru y’igihuha ivuga ko Perezida wa Leta Zunze Ubumwe za Amerika Donald Trump yashimye imiyoborere ya mugenzi we (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.