2017-06-25 13:58:23 clouds 27o High | Kigali Rwanda

Dukurikire:
 
 

Umugore yishe umwana we wari amufashe asambana na sekuru

Yanditswe na IMVAHO NSHYA

Kuya 2016-10-21 13:49:49

 
Share on:
 
Yasuwe:18
 
Yavuzweho:200
 
10
 
10

Umugore wo mu Butaliyani yahamijwe icyaha cyo kwica umwana we w’imyaka umunani w’umuhungu wari amusanze asambana na sebukwe (sekuru w’umwana).

Veronica Panarello yakatiwe gufungwa imyaka 30 n’urukiko rwo mu ntara ya Sicile nyuma yo gusanga yaranigishije insinga umuhungu we Loris Stival, akamujugunya mu cyobo kiri hafi y’iwabo.

Umucamanza yanzuye ko uyu mugore yiyiciye umuhungu yabitekerejeho kandi akabikorana ubugome bukabije dore ko umurambo bawusanganye ibikomere byinshi.

JPEG - 74.8 kb
Panarello yihekuye afashwe n’umwana we ari gusambana na sekuru.

Panarello yabanje kubeshya urukiko ko ku munsi bavuga ko yamwiciyeho uwo mwana atigeze ava ku ishuri. Nyuma aza kuvuga ko urupfu rwe ari impanuka yabaye ubwo yari ari gukina n’insinga nk’uko The Local ibitangaza.

Umurambo w’umwana wavumbuwe n’umuhigi mu mujyi wa Santa Croce Camerina ahita abimenyesha polisi nayo itangira kubaza nyina.

Umushinjacyaha Marco Rota avuga ko imyaka 30 yakatiwe ari mike cyane ugereranyije n’amahano yakoze.

Ati “Igihano yahawe ntigihagije ariko nibura twishimiye ko twakoze akazi kacu, Panarello ni inkozi y’ibibi izi kubeshya cyane.”

Uyu mugore wavugaga ko yarenganye akurikiranweho n’icyaha cyo gusebya sebukwe, nubwo avuga ko azajuririra icyemezo cy’urukiko.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE