Advertisement
 
 
 
 
 
 
 
 

Amakuru | Mu Mahanga

Uganda: Umurinzi mukuru wa Amama Mbabazi wafatwaga nk’uwapfuye yabonetse   

  Yanditswe na HERVE UGIRUMUKUNDA
 8 April

 
 

Christophe Aine, wari umurinzi mukuru wa Amama Mbabazi mu bikorwa byo kwiyamamaza, mu matora ya perezida wa Uganda, yari yaraburiwe irengero bikekwa ko yapfuye none yongeye kugaragara, avuga ko yari yihishe.

Mu Kuboza, nibwo Aine yaburiwe irengero ashakishwa n’inzego z’umutekano. Nyuma y’aho bamwe mu muryango we batangaje ko yapfuye ndetse kumushakisha birahagarikwa.

Ku ya 7 Mata, Aine yongeye kugaragara ndetse yishyikiriza ubuyobozi. NTV ivuga ko yishyikirije Gen. Salim Saleh, umuvandimwe wa perezida Museveni.

JPEG - 52.1 kb
Christopher Aine

Yabwiye icyo kinyamakuru ati” Nabonye ko igihe cyari kigeze ngo mve mu bwihisho kuko ibikora byo kwiyamamaza byarangiye.”

Gen. Saleh we yavuze ko kuri ubu we na Leta ya Uganda bari gufasha Aine gutora agatege kuko yari yarazahajwe n’ubuzima bubi.

Ati” Ni byiza kuba yansanze kuko mubereye nka se”.

Yongereyeho ko bari mu biganiro kugira ngo bimwe mu birego uwo mugabo aregwa bivanweho. Ashinjwa guteza umutekano muke mu gihe cyo kwiyamamaza k’uwari shebuja, Amama Mbabazi.

Icyo gihe abashyigikiye Mbabazi n’abashyigikiye Museveni bafatanye mu mashati ahitwa Ntungamo. Polisi ivuga ko Aine ari we wari uyoboye iyo mirwano yasize benshi mu bashyigikiye Museveni bakomeretse.

Aine avuga ko yabanje kwihisha mu byaro bya Uganda ubundi agahungira i Dar es Salaam muri Tanzania. Kuri ubu yemera ko ari we wayoboye imirwano agasaba imbabazi Leta ya Uganda.

 

Comments

Who are you?
Your post
  • To create paragraphs, just leave blank lines.

 
 
RDC: EU irasabira ibihano 5 mu bashinzwe umutekano
RDC: EU irasabira ibihano 5 mu bashinzwe umutekano

Abagize Inteko ishinga amategeko y’Umuryango w’Ubumwe bw’u Burayi(EU), barasabira ibihano Abanyekongo 5 mu bashinzwe umutekano muri Repubulika iharanira demokarasi ya Congo (DRC) baregwa uruhare mu (...)

Abanzi ba Isiraheli bayitera guhora iryamiye amajanja
Abanzi ba Isiraheli bayitera guhora iryamiye amajanja

Isiraheli ni kimwe mu bihugu byo mu Burasirazuba bwo hagati gifite abanzi benshi. Kubera iyi mpamvu, ubutegetsi bw’iki gihugu cy’Abayahudi buhora bwiteguye mu rwego rwo kwirinda ibitero by’abanzi. (...)

Perezida Kagame yitabiriye inama idasanzwe ya CEEAC muri Gabon
Perezida Kagame yitabiriye inama idasanzwe ya CEEAC muri Gabon

Perezida Paul Kagame na Madamu Jeannette Kagame bitabiriye inama idasanzwe y’abakuru b’ibihugu bigize Umuryango w’ubukungu bw’ibihugu byo muri Afurika yo hagati (CEEAC) i Libreville muri Gabon, kuri (...)

Burundi: Willy Nyamitwe yarokotse urupfu
Burundi: Willy Nyamitwe yarokotse urupfu

Umuyobozi ukuriye ishami ry’itumanaho muri Perezidansi ya Leta y’u Burundi, Willy Nyamitwe, yarokotse igitero cy’abashakaga kumwica ku wa mbere tariki 28 Uguahyingo. Amakuru dukesha BBC agaragaza (...)

UK: Abanyarwanda barokotse Jenoside babangamiwe n’abayikoze bacyidegembya
UK: Abanyarwanda barokotse Jenoside babangamiwe n’abayikoze bacyidegembya

Ihuriro ry’Abanyarwanda barokotse Jenoside yakorewe Abatutsi baba mu Bwongereza babangamiwe cyane n’uko abagize uruhare muri iyi Jenoside yatwaye ubuzima bw’abasaga miliyoni bacyidegembya muri iki (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.