2017-07-23 11:30:24 clouds 27o High | Kigali Rwanda

Dukurikire:
 
 

Uganda: Hatoraguwe imirambo ine iboheye mu mifuka

Yanditswe na IMVAHO NSHYA

Kuya 2016-06-21 06:28:45

 
Share on:
 
Yasuwe:2
 
Yavuzweho:200
 
10
 
10

Polisi yo mu karere ka Kasese muri Uganda iraperereza ku mirambo ine y’abantu bataramenyekana bishwe batemaguwe bakazingirwa mu mifuka mbere yo kujugunywa mu mihanda.

Umuyobozi wa Polisi muri ako karere, Samuel Odongo, yabwiye Chimpreports ko iri gushakisha abantu bataramenyekana bishe umugore umwe n’abagabo batatu.

Umurambo w’umugore umwe n’umugabo basanzwe baciwe imitwe mu birindiro bya gisirikare bya Base naho uw’undi mugabo usangwa ku nzu y’umupadiri wo muri ako gace. Umurambo wa kane wasanzwe ahitwa mu Kijwenga.

Odongo yagize ati” Abishwe bose bari mu kigero kiri hagati y’imyaka 30 na 40 bishwe nabi batemaguwe nta cyangombwa na kimwe bafite ntituzi aho bakomoka. Umugabo umwe yishwe aciwe ijosi amaboko ye aboheye inyuma. Indi mirambo itatu yose yari yatemaguwe mu maso kandi nayo amaboko azirikiye inyuma.”

Uyu muyobozi wa polisi yongeyeho ko iyo mirambo yose yari iri mu mifuka kandi ko hafi yayo habonetse moto.

Bivugwa ko bamwe mu bapfuye babonwe ahita Busongora batwaye moto ariko ntawe uzi aho berekezaga.

Odongo yongeyeho ko ushinzwe abamotari mu gace ka Kasese yemeza ko iyo moto ayizi muri ako karere. Yasabye abaturage kujya bagendana ibyangombwa . Ni nyuma y’iminsi mike abantu benshi baguye mu makimbirane y’amoko mu gace ka Rwenzori.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE