Advertisement
 
 
 
 
 
 
 
 

Amakuru | Mu Mahanga

Uduhanga 1003 tw’Abanyarwanda tubitse mu nzu ndangamurage z’Abadage   

  Yanditswe na NTAWITONDA JEAN CLAUDE
 2 months ago

 
 

Uduhanga turenga igihumbi n’amagufwa y’abantu bakomoka mu bihugu bya Afurika y’Uburasirazuba twagejejwe mu Budage m gihe cy’ubukoroni ngo bikorweho ubushakashatsi bujyane n’amoko biracyabitse mu bubiko bw’inzu ndangamurage i Berlin muri iki gihugu.

Ihuriro ry’ibitangazamakuru bya Leta ARD ryatangaje ku wa kabiri ko ryabonye urutonde rw’amagufwa y’Abanyafurika akibitse mu Kigo Ndangamurage cya Prusse (Prussian Cultural Heritage Foundation), ari na cyo kigenzura inzu ndangamurage z’iki gihugu.

Uduhanga twinshi ndetse n’amagufwa byandtsweho ko byaturutse mu bukoloni bw’Abadage bwo muri Afurika y’Uburasirazuba hakaba harimu uduhanga 1003 tw’Abanyarwanda na 60 two muri Tanzania., muri utu duhanga twose harimo 10 tw’abana bato cyane.

JPEG - 79.8 kb
Uduhanga twiganjemo utw’Abanyarwanda bishwe mu gihe cy’ubukoloni turacyari mu nzu ndangamurage z’u Budage

Amateka agaragaza ko Umudage wa mbere wabonanye n’umwami w’u Rwanda Kigeri IV Rwabugiri, ari Comte Von Götzen mu mwaka wa 1884, amusanze i Kageyo (Komini Ramba) amuyoboweho na mwene Rwabugiri Sharangabo, yari akuye mu Buganza (Rwamagana).

Nyuma y’aho Abadage bakomeje kuzenguruka u Rwanda, bakora ubushakashatsi nka Kandt (bise Kanayoge) wabaye Rezida wa mbere w’umudage mu Rwanda, agataha umurwa wa Kigali mu w’1908, abandi bahazaga baturutse i Bujumbura, bazanywe no gutanga umutekano w’abivumbagatanya badashaka Musinga.

Aha ni na ho bamwe mu ngabo z’umwami zageragezaga kubarwanya zidasobanukiwe neza iby’imbunda bakarasirwa kure. Amwe mu magufwa abitswe muri iki kigo ni ay’ingabo zishwe n’abasirikare b’Abadage, uduhanga twabo tugahita twoherezwa mu Budage ngo dukorweho ubushashatsi bwimbitse.

Mu 1900 ni bwo Abapadiri bera ba mbere b’Abagatolika baje mu Rwanda. Batashye i Save bavuye kuhasaba ibwami. Abamisiyoneri ba mbere b’Abaporoso bo baje mu Rwanda mu 1907, bahagarariye itorero rya Luteri.Ni bo bashinze za Misiyoni ya Kirinda, Rubengera na Remera ya Rukoma. Bavuye mu Rwanda mu 1916, Abadage baneshejwe n’Ababiligi.

Umuyobozi wa Prussian Cultural Heritage Foundation Hermann Parzinger yabwiye ARD ko biteguye kuba “basubiza utu duhanga mu bihugu twaturutsemo.” Ni mu gihe mu myaka ishize u Budage bwasabwe koherereza Namibia uduhanga 20 tw’abaturage b’iki gihugu bari bakiri mu Budage nadashyinguwe.

Bivugwa ko utu duhanga ari tumwe muri 300 twoherejwe mu Budage nyuma y’ubwicanyi bwakorewe Aabaturage ba Namibia bageragezaga kwigaragambya bamagana gukolonizwa, nk’imwe muri gahunda y’iki gihugu yo kwigabiza ibihugu by’AMajyepfo n’Uburengerazuba bya Afurika guhera mu 1884 kugeza 1915.

Utwo duhanga twari twaruzuye ivumbi mu mwaka wa 2008 ubwo ihuriro ry’ibitangazamakuru ARD ryatangaje ko tukibitswe mu Nzu ndangamateka y’Ubuvuzi yo kubitaro bya Charite biherereye I Berlin, no muri Kaminuza ya Freiburg iherereye mu Majyepfu y’uburengerazuba bw’igihugu.

Kuva icyo gihe ni bwo Leta ya Namibia yahise ishaka uburyo yakurayo imibiri y’Abakoloni bayo.

 

Comments

 
 
U Buhinde bwoherereje icyarimwe ibyogajuru 104 mu isanzure
U Buhinde bwoherereje icyarimwe ibyogajuru 104 mu isanzure

Ikigo cy’Ubushakashatsi bwo mu Isanzure cy’u Buhinde , ISRO, cyohereje mu kirere ibyogajuru 104 ku wa Gatatu, gikuraho agahigo kari karaciwe n’u Burusiya. Al Jazeera ivuga ko ikimashini (...)

Pakistan: Babujijwe kwizihiza umunsi wa Saint-Valentin
Pakistan: Babujijwe kwizihiza umunsi wa Saint-Valentin

Urukiko rwo muri Pakistan rwashyizeho itegeko ribuza abaturage kwizihiza umunsi wa Saint-Valentin kuko ngo uhabanye n’umuco wa Kiyisilamu. Iryo tegeko ritegeka ibinyamakuru, n’ibigo by’ubucuruzi (...)

Abadepite bo muri Afurika y’Epfo barwaniye mu nteko
Abadepite bo muri Afurika y’Epfo barwaniye mu nteko

Abadepite bo muri Afurika y’Epfo barwaniye mu nama y’Inteko rusange ku wa Kane ku ya 9 Gashyantare 2017, bakiranurwa nuko abashinzwe umutekano basohoye ku mbaraga bamwe muri bo. Izo mvururu (...)

USA: Yatanye n’umugabo bari bamaranye imyaka 22 amuziza ko yatoye Trump
USA: Yatanye n’umugabo bari bamaranye imyaka 22 amuziza ko yatoye Trump

Umukecuru wo muri Leta ya California, USA, yatandukanye n’umugabo bari bamaranye imyaka 22 amaze kumenya ko yatoye Donald Trump. Gayle McCormick w’imyaka 73, yabwiye The Evening Standard ko (...)

U Rwanda rwashinzwe kuyobora akanama k’umutekano ka AU
U Rwanda rwashinzwe kuyobora akanama k’umutekano ka AU

U Rwanda nirwo ruyoboyr Akanama k’Amahoro n’Umutekano k’Umuryango w’Ubumwe bwa Afurika, AUPSC muri uku kwezi kwa Gashyantare 2017. Rusimbuye Sierra Leone nk’uko biri mu itangazo rya Minisiteri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.