Advertisement
 
 
 
 
 
 
 
 

Amakuru | Mu Mahanga

U Rwanda rwasabye ibihugu bigize EAC guha agaciro Igiswahili   

  Yanditswe na IMVAHO NSHYA
 August 2016

 
 

Umudepite uhagarariye u Rwanda mu Nteko y’Ibihugu bigize Umuryango wa Afurika y’Uburasirazuba (EALA), Patricia Hajabakiga yasabye ko ibi bihugu biha agaciro ururimi rw’Igiswahili kuko bizarwungukiramo byinshi.

Mu kiganiro mpaka ku Cyegeranyo ku Bukangurambaga buri gukorwa mu bihugu bitanu bigize EAC, cyabaye ku wa Gatatu, Hajabakiga yasobanuye ko Igiswahili gifite akamaro gakomeye mu koroshya ubuhahirane n’ubusabane mu baturage.

Ati” Uretse kuba Igiswahili giteza imbere ubumwe mu baturage ba EAC, ni umuyoboro mwiza wo utuma bumvikana ukanoroshya ubucuruzi mu karere.”

JPEG - 80.2 kb
Hajabakiga Patricie uhagarariye EALA mu Rwanda

Daily News (Tz) ivuga ko iki gitekerezo cyanashyigikiwe na depite Mike Sebalu wo muri Uganda, wavuze ko Igiswahili ari ururimi rw’ingenzi ruhuza abaturage bo mu karere bakumvikana neza nta nkomyi.

Depite Hajabakiga yamuritse aho ibikorwa byo kumenyekanisha umuryango wa EAC mu baturage byari bigeze muri Kamena y’uyu mwaka.

Igiswahili ni ururimi ruvugwa cyane muri Tanzania, Kenya, Uganda, u Burundi, Mozambique na Repubulika Iharanira Demokarasi ya Congo.

Abaturage bavuga Igiswahili babarirwa hagati ya miliyoni 50 n’100. Ibihugu bitatu (Tanzania, Kenya, na Congo) byarugize ururimi rw’ibanze rukoreshwa burezi n’ibindi bikorwa by’ingenzi.

Mu Rwanda rwigishwa mu cyiciro rusange cy’amashuri yisumbuye ndetse rukaba no mu ishami ry’indimi (EKK, English-Kiswahili-Kinyarwanda).

 

Comments

 
 
Inkunga USA iha amahanga ishobora kuvaho
Inkunga USA iha amahanga ishobora kuvaho

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga (...)

Umuvugizi wa Polisi ya Uganda yarashwe arapfa
Umuvugizi wa Polisi ya Uganda yarashwe arapfa

AIGP Andrew Felix Kaweesi, umuvugizi wa Polisi ya Uganda yishwe arashwe mu gitondo cyo kuri uyu wa 17 Werurwe 2017. The New Vision ivuga ko yari imbere yiwe, ahitwa Kulambiro mu mujyi wa (...)

Tanzania: Abanyamakuru 9 birukanwe bazira kubeshya ko Trump yashimye Magufuli
Tanzania: Abanyamakuru 9 birukanwe bazira kubeshya ko Trump yashimye Magufuli

Televiziyo y’Igihugu ya Tanzania, TBC, yirukanye abakozi bayo icyenda batangaje inkuru y’igihuha ivuga ko Perezida wa Leta Zunze Ubumwe za Amerika Donald Trump yashimye imiyoborere ya mugenzi we (...)

Koreya: Abakomando ba USA bishe Bin Laden bazitabira imyitozo yo guhirika Kim Jong Un
Koreya: Abakomando ba USA bishe Bin Laden bazitabira imyitozo yo guhirika Kim Jong Un

Itsinda ry’abasirikare ba kabuhariwe bagabye igitero cyahitanye Osama Bin Laden, wari umuyobozi wa Al-Qaeda, “Seal Team 6” rizitabira imyitozo ya gisirikare izahuza USA na Koreya y’Epfo muri uyu (...)

Burundi: Abanyeshuri 4 batawe muri yombi bazira gutemberera mu Rwanda
Burundi: Abanyeshuri 4 batawe muri yombi bazira gutemberera mu Rwanda

Abanyeshuri bane bo muri komini Busiga mu ntara ya Ngozi mu Burundi ku ya 5 Werurwe 2017 batawe muri yombi bajyanwa ahantu hatazwi bazira kuba baherutse gutemberera mu Rwanda. Radiyo RPA ivuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.