Advertisement
 
 
 
 
 
 
 
 

Amakuru | Mu Mahanga

U Bwongereza buhangayikishijwe n’igifaru gishya cy’u Burusiya   

  Yanditswe na IMVAHO NSHYA
 4 months ago

 
 

Igisirikare cy’u Bwongereza gihangayikishijwe n’igifaru cyo mu bwoko bwa Armata u Burusiya bwakoze mu mwaka ushize wa 2015.

Daily Mail ivuga ko u Bwongereza bwakoreye isuzuma igifaru cya Armata bugasanga gikoranye ubuhanga budasanzwe ku buryo hagize intambara iba cyazateza ikibazo.

Armata ikozwe ku buryo irinda abayirimo mu rugamba, ntiremereye, irihuta kandi biroroshye kuyikoresha. Impuguke mu bya gisirikare zivuga ko itandukanye n’ibindi bifaru cyane cyane ibikoreshwa n’ibihugu byo mu biremeye cyane.

Inyandiko Sunday Telegraph ifitiye kopi ivuga ko abofisiye bo mu gisirikare cy’u Bwongereza batanze impuruza yo gushaka ubundi bwoko bw’igifaru bwo guhangana na Armata.

Bananenze guverinoma y’u Bwongereza iri guseta ibirenge mu gushaka igifaru nk’icyo cyane ko ibisanzwe bititwara neza mu mirwano yo guhashya intagondwa z’Abayisilamu muri Syria.

Muri iyo nyandiko bagize bati “ Nta gukabya, Armata yerekana impinduka mu mikorere y’intwaro mu myaka 50 ishize.”

Icyo gifaru gishobora kwiyongezamo amasasu bidasabye umuntu, gishobora no kurasa za misile. Gifite n’ubushobozi bwo kurinda abagitwaye mu gihe bakirasheho.

Armata ni cyo gifaru cya mbere gifite ikoranabuhanga rya dijitali, igisirikare cy’u Bwongereza kivuga ko mu gihe nta gikozwe vuba u Burusiya bushobora kuyikoresha mu migambi yo kwiyomekaho ibihugu nk’uko bwabikoze muri Ukraine.

 

Comments

 
 
Inkunga USA iha amahanga ishobora kuvaho
Inkunga USA iha amahanga ishobora kuvaho

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga (...)

Umuvugizi wa Polisi ya Uganda yarashwe arapfa
Umuvugizi wa Polisi ya Uganda yarashwe arapfa

AIGP Andrew Felix Kaweesi, umuvugizi wa Polisi ya Uganda yishwe arashwe mu gitondo cyo kuri uyu wa 17 Werurwe 2017. The New Vision ivuga ko yari imbere yiwe, ahitwa Kulambiro mu mujyi wa (...)

Tanzania: Abanyamakuru 9 birukanwe bazira kubeshya ko Trump yashimye Magufuli
Tanzania: Abanyamakuru 9 birukanwe bazira kubeshya ko Trump yashimye Magufuli

Televiziyo y’Igihugu ya Tanzania, TBC, yirukanye abakozi bayo icyenda batangaje inkuru y’igihuha ivuga ko Perezida wa Leta Zunze Ubumwe za Amerika Donald Trump yashimye imiyoborere ya mugenzi we (...)

Koreya: Abakomando ba USA bishe Bin Laden bazitabira imyitozo yo guhirika Kim Jong Un
Koreya: Abakomando ba USA bishe Bin Laden bazitabira imyitozo yo guhirika Kim Jong Un

Itsinda ry’abasirikare ba kabuhariwe bagabye igitero cyahitanye Osama Bin Laden, wari umuyobozi wa Al-Qaeda, “Seal Team 6” rizitabira imyitozo ya gisirikare izahuza USA na Koreya y’Epfo muri uyu (...)

Burundi: Abanyeshuri 4 batawe muri yombi bazira gutemberera mu Rwanda
Burundi: Abanyeshuri 4 batawe muri yombi bazira gutemberera mu Rwanda

Abanyeshuri bane bo muri komini Busiga mu ntara ya Ngozi mu Burundi ku ya 5 Werurwe 2017 batawe muri yombi bajyanwa ahantu hatazwi bazira kuba baherutse gutemberera mu Rwanda. Radiyo RPA ivuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.