Advertisement
 
 
 
 
 
 
 
 

Amakuru | Mu Mahanga

U Burundi bugiye gukura ingabo n’abapolisi mu butumwa bw’amahoro   

  Yanditswe na NTAWITONDA JEAN CLAUDE
 5 months ago

 
 

Guverinoma y’u Burundi yatangaje ko ishobora gukura abasirikare bayo mu butumwa bw’amahoro bw’Umuryango w’Ubumwe bwa Afurika (AU) n’ubwa Loni ivuga ko bitewe n’uburyo abasirikare badahabwa agaciro ndetse bikaba binavugwa ko hari abagiye kujya bahembwa amafaranga atanyuze kuri Leta.

Abaminisitiri babiri babwiye abagize Inteko Ishinga amategeko ko Ingabo z’Abarundi zifatwa nabi ntizihabwe imyanya y’ubuyobozi mu butumwa bw’amahoro barimo muri Somalia (AMISOM) no muri Centrafrique (MINUSCA).

Minisitiri w’Ingabo n’abasezerewe ku rugamba Emmanuel Ntahomvukiye yakomeje agira ati “Ikindi kibazo ni uko hari gahunda yo kwishyura abasirikare bacu babinyujije kuri konti zabo bikaba ari ukwangiza amasezerano twagiranye ko guverinoma ari yo igomba kubahemba nyuma yo kubona amafaranga.”

Minisitiri Ntahomvukiye yahamije ko bari mu nzira zo kuganiriza ubuyobozi bw’Umuryango w’Ubumwe bwa Afurika, ati “ Mbere yo kohereza ingabo muri Somalia, twavuganye na AU ku bijyanye n’amasezerano. Gukura ingabo muri AMISOM na byo birasaba ko tubanza tukabivuganaho na AU, abaturage b’u Burundi, ndetse n’Inteko Ishinga Amategeko.”

Yakomeje ashimangira ko batazigera bemera ko umushahara w’abasirikare bari mu butumwa bw’amahoro uca kuri konti zabo utabanje guca mu maboko ya guverinoma nk’uko byari bisanzwe, ati “Amafaranga ajya mu maboko y’igihugu cyohereje ingabo hanyuma igihugu kikishyura ingabo cyohereje. Ntituzemera ko ingabo z’u Burundi zihembwa ako kanya.”

Hagati aho ikinyamakuru The Citizen cyatangaje ko Minisitiri w’Umutekano Alain Guillaume Bunyoni, na we yabwiye Abadepite ko abapolisi b’Abarundi bari mu butumwa bwa Loni muri Centrafrique (MINUSCA) bashobora gukurwayo kuko bafatwa nabi.

Yagize ati “Muri MINUSCA, binyuze muri Parfait Onanga Anyanga ukuriye ubutumwa akaba anahagarariye Umunyamambanga Mukuru wa Loni, Abarundi ntibafashwe neza. Ntibajya banita ku kuba babura ubuzima bwabo buri munsi. Tuzabakurayo ubuvugizi dukora nibuba ntacyo butanze ngo ibitagenda bikosoke.”

U Burundi buravugira ingabo n’abapolisi babwo mu gihe ubwo umutekano muke watewe na manda ya gatatu ya Perezida Pierre Nkurunziza mu Burundi wabaga muri Mata 2015, bamwe mu boherejwe kuyobora ubutumwa bw’amahoro muri Somalia na Centrafrique birukanwe bashinjwa ibikorwa by’ubwicanye bakoze mu bihe byo kwiyamamaza kwa Perezida.

 

Comments

 
 
Leta ya Kiyisilamu iteganya kwiyunga na Al Qaeda
Leta ya Kiyisilamu iteganya kwiyunga na Al Qaeda

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq. Visi-Perezida wa Iraq, (...)

Uwa Gatanu Mutagatifu: Babambwe n’imisumari nyayo bibuka ububabare bwa Yezu
Uwa Gatanu Mutagatifu: Babambwe n’imisumari nyayo bibuka ububabare bwa Yezu

Mu gihe hirya no hino ku Isi abakirisitu bizihije umunsi wa wa Gatanu Mutagatifu, mu gihugu cya Philippines, bamwe babambwe ku musaraba n’imisumari. Imisumari bakoresheje bamubamba ni iya (...)

Koreya ya Ruguru, itumvikana na USA, yerekanye ingufu zayo za gisirikare
Koreya ya Ruguru, itumvikana na USA, yerekanye ingufu zayo za gisirikare

Koreya ya Ruguru yerekanye ububasha bwayo bwa gisirikare mu murwa mukuru Pyongyang kuri uyu wa Gatandatu ubwo yizihizaga ‘Umunsi w’Izuba.” Ni mu gihe hatutumba umwuka mubi hagati y’icyo gihugu na (...)

USA: Umuyisilamukazi wa mbere wabaye umucamanza mukuru yishwe
USA: Umuyisilamukazi wa mbere wabaye umucamanza mukuru yishwe

Sheila Abdus-Salaam, umugore wabaye umucamanza wa mbere w’Umuyisilamu mu mateka ya Leta Zunze Ubumwe za Amerika yasanzwe yarapfuye ku wa Gatatu mu mugezi wa Hudson uri mu mujyi wa New York. (...)

Abanyarwanda biga mu Bushinwa bibutse Jenoside yakorewe Abatutsi
Abanyarwanda biga mu Bushinwa bibutse Jenoside yakorewe Abatutsi

Abanyeshuri biga muri za kaminuza ziherereye mu mujyi wa Shenyanga mu Bushinwa, ku wa 9 Mata 2017, bahuriye mu gikorwa cyo kwibuka Jenoside yakorewe Abatutsi mu 1994. Shenyang n’umujyi uri mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.