2017-05-29 16:30:20 clouds 27o High | Kigali Rwanda

Dukurikire:
 
 

U Bufaransa: Nicolas Sarkozy yasabiwe kujyanwa mu nkiko

Yanditswe na IMVAHO NSHYA

Kuya 2016-09-05 13:41:09

 
Share on:
 
Yasuwe:2
 
Yavuzweho:200
 
10
 
10

Umushinjacyaha w’Umufaransa yasabye ko Nicolas Sarkozy wahoze ari perezida w’icyo gihugu ajyanwa mu nkiko nyuma yo kuvumbura ko yaba yarasesaguye umutungo wa leta mu bikorwa byo kwiyamamaza mu 2012.

Ikirego cyatanzwe n’umushinjacyaha w’i Paris ku wa mbere, gisaba ko Sarkozy n’abandi bantu 13 baburanishwa.

Ni mu gihe Sarkozy yari yaramaze gutangaza ko aziyamamaza mu matora y’umwaka utaha, ibikorwa byo guhatana n’abandi bakandida byari biteganyijwe mu Gushyingo.

Abacamanza nibanzura ko aburanishwa azitaba urukiko mbere y’amatora ateganyijwe hagati ya Mata na Gicurasi 2017.

Naramuka atowe atararangiza kuburana azahita ahabwa ubudahangarwa mu myaka itanu manda izamara.

Muri Gashyantare nabwo abacamanza bari basabye Sarkozy kwisobanura ku birego byo gusesagura umutungo abinyujije mu kigo kitwa Bygmalion.

Mu Bufaransa ushaka kuba Perezida asabwa kutarenza miliyoni 22.5 z’amayero mu bikorwa byo kwiyamamaza ariko mu matora yo muri 2012, bivugwa ko Sarkozy yarengejeho miliyoni 17.

AFP ivuga ko Sarkozy areganwa n’abandi benshi ba hafi ye, kugeza ubu amaze kwishyura 364 000 mu mafaranga ashinjwa gusesagura.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE