2017-08-19 07:41:08 clouds 27o High | Kigali Rwanda

Dukurikire:
 
 

U Bufaransa: Abitwaje intwaro bateye kiliziya bica umupadiri

Yanditswe na IMVAHO NSHYA

Kuya 2016-07-26 12:29:28

 
Share on:
 
Yasuwe:6
 
Yavuzweho:200
 
10
 
10

Abagabo babiri bitwaje intwaro bateye kiliziya bica umupadiri mu majyaruguru y’u Bufaransa mu gitondo cyo kuri uyu wa Kabiri.

Musenyeri wa Diyosezi ya Rouen, Dominique Lebrun, yabwiye AP ko umupadiri wishwe yitwa Jacques Hamel akaba yari afite imyaka 84.

Polisi ivuga ko abo bicanyi binjiye muri kiliziya y’umujyi muto wa Saint-Etienne-du-Rouvray mu ntara ya Normandie bagasanga uwo mupadiri ari gusoma misa ya mu gitondo bakamuca ijosi, barangiza bagafata abandi bantu bugwate mbere yo kuraswa na polisi.

JPEG - 65.4 kb
Umutekano wakajijwe mu mujyi wa St. Etienne de Rouvray

Umushumba wa Kiliziya Gatolika, Papa Francis uri mu ruzinduko mu mujyi wa Krakow muri Pologne yasohoye itangazo rigira riti”Ndarira ntakambira Imana n’abandi bantu b’umutima. Ndasaba n’abatemera kwiyunga nanjye mu marira. Kiliziya Gatolika nta zindi ntwaro ifite uretse isengesho n’ubuvandimwe mu bantu.”

Umuvugizi wa Minisiteri y’Umutekano y’u Bufaransa, Pierre-Henry Brandet avuga ko undi muntu yakomeretse kuri ubu akaba ari kurwana n’ubuzima.

Impamvu yagenzaga abo bagabo bitwaje intwaro ntiramenyekana, hatangiye iperereza ngo barebe niba nta sano bifitanye n’iterabwoba.

U Bufaransa bwigarijwe n’ibitero by’iterabwoba by’umutwe wa Leta ya Kiyisilamu, igiheruka ni icy’umunya Tunisia, Mohamed Lahouaiej-Bouhlel, washoye igikamyo mu mbaga y’abizihizaga umunsi mukuru wa Bastille mu mujyi wa Nice akicamo abasaga 80.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE