Advertisement
 
 
 
 
 
 
 
 

Amakuru | Mu Mahanga

U Budage: Umwimukira yiturikirijeho igisasu akomeretsa 12   

  Yanditswe na IMVAHO NSHYA
 July 2016

 
 

Umwiyahuzi ukomoka muri Siriya yiturikirijeho igisasu akomeretsa abantu 12 mu iserukiramuco ryaberaga mu mujyi wa Ansbach mu Budage mu ijoro ryo ku Cyumweru.

Uyu musore w’imyaka 27 yimwe ubuhungiro muri icyo gihugu mu mwaka ushize ariko yemererwa kuguma mu Budage kubera intambara iri iwabo.

Ushinzwe umutekano mu gace ka Bavaria, Joachim Herrmann, yavuze ko uwo mugabo yagerageje kwinjira ahaberaga iryo serukiramuco saa yine z’ijoro ariko agasubizwa inyuma n’abashinzwe umutekano, igisasu yari yitwaje kigaturikira ku muryango.

The Guardian ivuga ko abantu basaga 2000 bari bitabiriye icyo gikorwa. Herrmann avuga ko iyo uwo musore adasubizwa inyuma aba yahitanye abantu benshi.

Kugeza ubu ntiharamenyekana niba ubwo bwiyahuzi bufitanye isano n’imitwe y’intagondwa z’Abayisilamu.

Mu bantu 12 bakomeretse batatu bararembye bikabije. Bije bikurikira ubwicanyi bwabaye ku wa Gatanu mu Budage, ubwo umusore w’imyaka 18 yishe abantu icyenda abarashe nawe akirasa.

Muri iki gihugu kandi umuntu witwaje ishoka yakomerekeje abantu batanu ku wa Mbere w’icyumweru gishize.

Muri uyu mwaka u Burayi bwibasiwe n’ibitero by’iterabwoba byinshi, igiheruka gikomeye ni icy’umunya Tunisia wishe abantu 84 abagongesheje imodoka mu mujyi wa Nice.

 

Comments

 
 
U Bwongereza: Abadepite bagiye impaka ku ruzinduko rwa Donald Trump
U Bwongereza: Abadepite bagiye impaka ku ruzinduko rwa Donald Trump

Abagize Inteko Ishinga Amategeko y’u Bwongereza bagiye impaka ku rugendo Perezida wa Leta Zunze Ubumwe za Amerika, Donald Trump azagirira mu gihugu cyabo mu minsi mike iri imbere. CNN ivuga ko (...)

Libya: Hatoraguwe imibiri y’abimukira basaga 70 bashakaga kujya i Burayi
Libya: Hatoraguwe imibiri y’abimukira basaga 70 bashakaga kujya i Burayi

Umuryango mpuzamahanga utabara imbabare, Croix-Rouge kuri uyu wa Kabiri watangaje ko watoraguye imibiri y’abimukira 74 bapfuye barohamye ubwo bashakaga kujya mu Burayi banyuze mu nyanja ya (...)

Zimbabwe: Robert Mugabe yujuje imyaka 93, ashimangira ko azongera kwiyamamaza
Zimbabwe: Robert Mugabe yujuje imyaka 93, ashimangira ko azongera kwiyamamaza

Perezida wa Zimbabwe, Robert Mugabe yujuje imyaka 93 kuri uyu wa 21 Gashyantare 2017, avuga ko aziyamamaza mu matora y’imukuru w’igihugu ateganyijwe mu mwaka utaha. Mu kiganiro yagiranye na (...)

Kirehe:Batewe impungenge n’utukoko twibasiye amasaka bahinze
Kirehe:Batewe impungenge n’utukoko twibasiye amasaka bahinze

Abaturage bo mu kagari ka Munini, umurenge wa Mahama mu karere ka Kirehe barasaba ubuyobozi kubakorera ubuvugizi bakabona umuti w’udukoko twibasiye amasaka bahinze, kuko ari kumera yagera hejuru (...)

Gambia : Perezida Barrow yarekuye imfungwa za politiki
Gambia : Perezida Barrow yarekuye imfungwa za politiki

Perezida wa Gambia, Adama Barrow, yatanze amabwiriza yo kurekura imfungwa zose zari muri gereza zitaraburanye kubera igitugu cya Yahya Jammeh. Mu ijambo yavuze ku wa Gatandatu w’icyumweru (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.