2017-08-21 15:16:56 clouds 27o High | Kigali Rwanda

Dukurikire:
 
 

U Budage: Umwimukira yiturikirijeho igisasu akomeretsa 12

Yanditswe na IMVAHO NSHYA

Kuya 2016-07-25 08:12:04

 
Share on:
 
Yasuwe:5
 
Yavuzweho:200
 
10
 
10

Umwiyahuzi ukomoka muri Siriya yiturikirijeho igisasu akomeretsa abantu 12 mu iserukiramuco ryaberaga mu mujyi wa Ansbach mu Budage mu ijoro ryo ku Cyumweru.

Uyu musore w’imyaka 27 yimwe ubuhungiro muri icyo gihugu mu mwaka ushize ariko yemererwa kuguma mu Budage kubera intambara iri iwabo.

Ushinzwe umutekano mu gace ka Bavaria, Joachim Herrmann, yavuze ko uwo mugabo yagerageje kwinjira ahaberaga iryo serukiramuco saa yine z’ijoro ariko agasubizwa inyuma n’abashinzwe umutekano, igisasu yari yitwaje kigaturikira ku muryango.

The Guardian ivuga ko abantu basaga 2000 bari bitabiriye icyo gikorwa. Herrmann avuga ko iyo uwo musore adasubizwa inyuma aba yahitanye abantu benshi.

Kugeza ubu ntiharamenyekana niba ubwo bwiyahuzi bufitanye isano n’imitwe y’intagondwa z’Abayisilamu.

Mu bantu 12 bakomeretse batatu bararembye bikabije. Bije bikurikira ubwicanyi bwabaye ku wa Gatanu mu Budage, ubwo umusore w’imyaka 18 yishe abantu icyenda abarashe nawe akirasa.

Muri iki gihugu kandi umuntu witwaje ishoka yakomerekeje abantu batanu ku wa Mbere w’icyumweru gishize.

Muri uyu mwaka u Burayi bwibasiwe n’ibitero by’iterabwoba byinshi, igiheruka gikomeye ni icy’umunya Tunisia wishe abantu 84 abagongesheje imodoka mu mujyi wa Nice.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE