Advertisement
 
 
 
 
 
 
 
 

Amakuru | Mu Mahanga

Trump natsinda amatora Wole Soyinka aziyirukana muri Amerika   

  Yanditswe na NTAWITONDA JEAN CLAUDE
 2 months ago

 
 

Umwanditsi ukomoka muri Nigeria wamenyekanye cyane mu buvanganzo Nyafurika yavuze ko atazihanganira kuguma muri Leta Zunze ubumwe za Amerika igihe Donald Trump azaba atsindiye kuyobora iki gihugu.

Nk’uko tubikesha BBC, Soyinka yatangarije muri Kaminuza ya Oxford mu Bwongereza ko nubwo bigaragarira buri wese uburyo Trump atazatsinda, biramutse bibaye yahita acagagura urupapuro rumuhesha ubwenegihugu bw’Amerika (green card).

Yavuze ko mu gihe Trump ateganya ko natsinda amatora azasaba abafite ibi byangombwa kongera kubisaba bundi bushya, we atazabirindira, ati “Njye sinzategereza ibyo. Bakimara kuvuga gusa ko atsinze nzahita ncagagura green card yanjye, ntangire kuzinga utwangushye.”

JPEG - 42.9 kb
Wole Soyinka yahamije ko azahita ashwanyura Green Card Trump akimara gutangazwa nka Perezida

Mu kiganiro yatanze yashishikarije urubyiruko rw’abanyeshuri kurwanya akarengane, anagaya icyemezo cy’u Bwongereza cyo kuva mu Muryango w’Ubumwe bw’u Burayi kuko binyuranye n’ihame ryakabaye rifasha Isi gutera imbere.

Soyinka yabaye Umunyafurika wa mbere wahawe igihembo cyiritiwe amahoro cya Nobel mu byerekeye indimi mu 1986 nk’umwe mu banditsi b’ibitabo akaba n’umusizi nyafurika.

Hagati aho, abaturage bo muri Amerika bashishikajwe no kumenya izina ridasanzwe rizitwa Bill Clinton, umugabo wa Hillary Clinton, igihe azaba ageze muri White House kuko byari bisanzwe bimenyerewe ko iyo umugabo atowe umugore ahita afata umwanya wa First Lady.

Bamwe baravuga ko mu gihe umugore azaba yitwa First Lady (FLOTUS) umugabo we yakwitwa FGOTUS (First Gentleman of the United States) cyangwa ‘First Dude’.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Tanzania: Lowassa wahanganye na Perezida Magufuli mu matora yatawe muri yombi
Tanzania: Lowassa wahanganye na Perezida Magufuli mu matora yatawe muri yombi

Edward Lowassa wahoze ari Minisitiri w’Intebe akaba ari nawe mukandida ufatika wari uhanganya na Perezida John Pombe Magufuli yatawe muri yombi by’akanya gato azira gukoresha inama atabifitiye (...)

Zimbabwe: Umupasiteri afungiwe guhanura ko Perezida Mugabe azapfa muri uyu mwaka
Zimbabwe: Umupasiteri afungiwe guhanura ko Perezida Mugabe azapfa muri uyu mwaka

Umupasiteri witwa Patrick Mugadza yatawe muri yombi ku wa mbere azira guhanura ko perezida wa Zimbabwe, Robert Mugabe azapfa muri uyu mwaka wa 2017. Mu kiganiro n’itangazamakuru, uyu mupasiteri (...)

Trump yatangaje ko azavaniraho u Burusiya ibihano
Trump yatangaje ko azavaniraho u Burusiya ibihano

Donald Trump watorewe kuyobora Leta Zunze Ubumwe za Amerika yatangaje ko agiye kuvaniraho u Burusiya ibihano kugira ngo nabwo bwemere kugabanya ibisasu bya kirimbuzi bufite. Mu kiganiro (...)

U Burayi: Ubukonje bukabije bumaze guhitana abantu 65
U Burayi: Ubukonje bukabije bumaze guhitana abantu 65

Abantu 65 bamaze kwicwa n’ubukonje bukabije mu duce dutandukanye tw’u Burayi cyane cyane mu gihugu cya Bulgaria. Abenshi mu bapfa biganjemo abasheshe akanguhe n’abatagira aho batuye; barimo umusaza (...)

Perezida Museveni yagize umuhungu we umujyanama wihariye mu bya gisirikare
Perezida Museveni yagize umuhungu we umujyanama wihariye mu bya gisirikare

Perezida wa Uganda, Yoweri Museveni yahaye umuhungu we Muhoozi Kainerugaba inshingano zo kuba Umujyanama Mukuru we mu by’Ibitero by’Ingabo zidasanzwe, (special operations). Ikinyamakuru The Star (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.