Advertisement
 
 
 
 
 
 
 
 

Amakuru | Mu Mahanga

Tanzania yiyunze ku Rwanda yongera abagore mu nzego zifata ibyemezo   

  Yanditswe na NTAWITONDA JEAN CLAUDE
 2 weeks ago

 
 

Komisiyo y’Umuryango w’Ubumwe bwa Afurika (AU) yashimiye Tanzania n’u Rwanda ku ruhare bikomeje kugira mu guharanira iterambere ry’umugore w’Umunyafurika.

Mu nama ngarukamwaka ya gatanu ya AU yiga kuri Demokarasi, Uburenganzira bwa Muntu n’Imiyoborere yabereye i Arusha ku wa Gatatu, Tanzania yashimiwe mu gihe u Rwanda ari cyo gihugu cya Afurika gitanga urugero mpuzamahanga mu guteza imbere uburinganire n’iterambere ry’umugore rihera mu miryango rikagera buyobozi no mu nzego nkuru zifata ibyemezo.

Komiseri ushinzwe ibikorwa bya Politiki muri Komisiyo ya AU Dr. Aisha Abdullahi yavuze ko u Rwanda ari cyo gihugu cya mbere cyagaragaje ubutwari mu guha abagore ijambo guhera mu miryango kugeza mu nzego z’ubuyobozi.

Mu butumwa yasomye mu mwanya w’Umuyobozi mukuru wa Komisiyo, Dr. Aisha Abdullahi yagize ati “Mu Rwanda, abagore baragarara cyane mu nzego za Leta, sosiyete sivile no mu bikorera uhereye ku rwego rw’igihugu ukageza ku mudugudu.”

JPEG - 399.8 kb
Ibihugu bya Afurika byasabwe kwigira ku Rwanda no ku rugendo rwa Tanzania mu guha abagore ijambo

Yakomeje ashima imbaraga Leta ya Tanzania ikomeje gushyira mu kugera ikirenge mu cy’u Rwanda igabanya ikibazo cy’abagore bakiri bake mu nzego z’ubuyobozi, mu kubungabunga amahoro no gucunga umutekano ndetse no muri gahunda z’iterambere.

Mu Rwanda, imibare yyerekana ko abagore mu bakozi ba Leta muri rusange ari 43.5% mu gihe abagabo ari 56.5%.Ku Buyobozi bwa Ministeri, muri Gicurasi 2015 abagore bari kuri 40% n’abagabo 60%. Mu banyamabanga bahoraho, abagore bari 31.6% n’abagabo 68.4%.

Muri ba Ambasaderi, harimo abagore 22.6% n’abagabo 77.4%. Abayobozi bakuru b’ibigo n’abanyamabanga Nshingwabikorwa (imibare ya 2014) harimo abagore 37.2% n’abagabo 62.8%.

Mu Nteko Ishinga Amategeko Umutwe w’Abadepite iyi mibare yerekana ko abagore bari 64% n’abagabo 36%, mu gihe muri Sena abagore bari 38% n’abagabo 62%.

Ba guverineri b’abagore bararenga 60% mu gihe abagabo ari 40%, Abayobozi b’Inama Njyanama z’Uturere harimo abagore ku kigero kirenga 40.9% n’abagabo 59.1%, mu bayobozi b’uturere harimo abagore 16.7% n’abagabo 83.3%.

Abayobozi b’uturere bungirije bashinzwe iterambere ry’ubukungu barimo abagore 20% n’abagabo 80%, abayobozi b’uturere bashinzwe imibereho myiza abagore ni 76.7% n’abagabo 23.3%, muri za Njyanama z’uturere hakabamo abagore 45.2% n’abagabo 54.8%.

Mu Banyamabanga Nshingwabikorwa b’uturere harimo abagore 7% n’abagabo 93%, Abanyamabanga Nshingwabikorwa b’imirenge barimo abagore 11% n’abagabo 89%, mu gihe Abanyamabanga Nshingwabikorwa b’utugari barimo abagore 35% n’abagabo 65%.

Muri Tanzania ngo abagore bahagarariye abandi mu nteko ishinga amategeko batangiye kurenga 30%, aho na Visi Perezida ari umugore.

Dr. Aisha Abdullahi yakomeje agira ati “Turashishikariza ibihugu byose bigize AU kugera ikirenge mu cy’u Rwanda na Tanzania mu kubahiriza uburinganire no guteza imbere umugore.”

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Uwarokotse impanuka y’indege y’abakinnyi bo muri Brazil yari ari gusoma Bibiliya
Uwarokotse impanuka y’indege y’abakinnyi bo muri Brazil yari ari gusoma Bibiliya

Umwe mu bakinnyi warokotse impanuka y’indege yari imutwaye na bagenzi be bakinira ikipe ya Chapecoense FC yo muri Brazil, yaguyemo abantu 76 mu mpera z’ukwezi gushize, yari ari gusoma umurongo wa (...)

Saudi Arabia: 15 bakatiwe igihano cy’urupfu
Saudi Arabia: 15 bakatiwe igihano cy’urupfu

Ubutabera bw’igihugu cya Saudi Arabia, ku wa Kabiri bwakatiye abantu 15 igihano cy’urupfu nyuma y’uko bahamwe n’icyaha cy’ubutasi bakoreraga Iran. RFI ivuga ko abakatiwe bari mu bantu bagera kuri (...)

Ghana:  Havumbuwe abatekamutwe bari bamaze imyaka 10 batanga ibyangombwa bya USA
Ghana: Havumbuwe abatekamutwe bari bamaze imyaka 10 batanga ibyangombwa bya USA

Leta Zunze Ubumwe za Amerika yatangaje ko yamaze kuvumbura abatekamutwe bashinze ambasade yayo baringa mu gihugu cya Ghana, bari bamaze imyaka icumi batanga viza, impamyabumenyi n’ibyangombwa byo (...)

RDC: EU irasabira ibihano 5 mu bashinzwe umutekano
RDC: EU irasabira ibihano 5 mu bashinzwe umutekano

Abagize Inteko ishinga amategeko y’Umuryango w’Ubumwe bw’u Burayi(EU), barasabira ibihano Abanyekongo 5 mu bashinzwe umutekano muri Repubulika iharanira demokarasi ya Congo (DRC) baregwa uruhare mu (...)

Abanzi ba Isiraheli bayitera guhora iryamiye amajanja
Abanzi ba Isiraheli bayitera guhora iryamiye amajanja

Isiraheli ni kimwe mu bihugu byo mu Burasirazuba bwo hagati gifite abanzi benshi. Kubera iyi mpamvu, ubutegetsi bw’iki gihugu cy’Abayahudi buhora bwiteguye mu rwego rwo kwirinda ibitero by’abanzi. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.