Advertisement
 
 
 
 
 
 
 
 

Amakuru | Mu Mahanga

Swaziland yasabwe kwigira ku Rwanda uko bakira inama mpuzamahanga   

  Yanditswe na IMVAHO NSHYA
 3 months ago

 
 

Umunyamakuru wo muri Swaziland witabiriye inama ya AU ya 27 iherutse kubera mu Rwanda, wishimiye iterambere yahasanze n’uburyo yakiriwe, arasaba umwami wabo Mswati III kurebera ku buryo u Rwanda rwakira inama na gahunda zarwo z’iterambere.

Mu nkuru yanditse mu kinyamakuru Observer (Sz) yagize ati”Kuva umwami wacu yasaba kwakira inama ya 36 y’abakuru b’ibihugu bigize SADC igihugu cyose cyashyize umutima ku myiteguro yayo.

Nagize impungenge nibaza niba tuzaba twiteguye neza iyo nama izaba muri iki cyumweru. Kwitegura ntibivuze gutunganya aho inama izabera gusa, ntabwo ari ukwakira abashyitsi gusa.

JPEG - 199.7 kb
U Rwanda rweretse amahanga ubunararibonye mu kwakira inama zikomeye

Umwami wacu ashaka ko Swaziland igaragara nk’igihugu gikomeye nubwo turi agahugu gato k’ubukungu buciriritse, ...

…ibi ndabishyigikiye cyane, kuko mperutse kugira amahirwe yo kwitabira inama y’Umuryango w’Ubumwe bwa Afurika yabereye mu Rwanda, natangajwe n’uko bakiriye icyo gikorwa binantera ishyari ryiza.

Natangajwe n’ukuntu Kigali yateye imbere mu myaka ine gusa nari nyiherutsemo, bubatse inyubako ya Kigali Convention Centre, nabonye atari iyo kuri uyu mugabane rwose! Nahise ntekereza ko n’iwacu twari dukwiye kugira inyubako nk’iyo, kuko hari inama mpuzamahanga tujya twakira.

Twatangiye gutangara tukigera ku kibuga cy’indege, uburyo buri kintu cyari giteguye, uhereye ku kugura SIM card tukihagera n’uko ababishinzwe bakoze ku buryo ibintu byo kwiyandikisha birangirira ku Kibuga bakamenya neza ko ibyo dukeneye byose tubifite hanyuma bakatujyana ku mahoteli.

N’amabanki ubwayo yari yarararitswe ku byo korohereza abantu kuvunjisha, ku buryo nta wigeze ahangayika mu kugura amadorali ya Amerika. Ku bwanjye naratangaye cyane kuko uburyo ibintu byari biteguye nti byari ku rwego rw’igihugu gito nk’u Rwanda, ni ibintu nka Swaziland dukwiye kwigana ndibuka nkiriyo natekereje uburyo wenda iyo inama ya AU ibera muri Swaziland byari kutagenda neza.

Byari bihebuje!

Nkigera kuri Convention Centre, nabonye ko itari inyubako yagenewe inama gusa, ahubwo yari iri no ku rwego mpuzamahanga.

Hoteli byegeranye yubatse mu buryo butangaje, ndetse abitabiriye inama ya AU hafi ya bose niho bari bacumbitse. Nzi neza ko Umwami wacu Mswati ashaka ko inyubako yakira inama mpuzamahanga turi kubaka ahitwa Ezulwini izaba imeze nk’iy’i Kigali.

Hagati aho mu nama ya AU nagize agashyari kubera ukuntu Abanyarwanda bari biteguye nta gihunga, buri gihe nahoraga ngereranya uburyo natwe tuzakira inama ya SADC.

Tuvugishije ukuri, u Rwanda si igihugu gikize cyane, banashobora kuba baturi inyuma. Ariko nanone bafite umuvuduko mu iterambere, ni igihugu gishaka gukora iyo bwabaga ngo gihinduke cyanikire ibindi bihugu mu iterambere.

Hari amakuru y’udushya meza menshi nzi aturuka mu Rwanda nk’urugero uburyo bubatse izina mu mahanga nk’igihugu cyuje isuku.

Kimwe n’u Rwanda, natwe Swaziland hari ibyiza byinshi twifitemo, dukwiye guhabwa amahirwe yo kwakira inama. Ni ubwa mbere twakiriye inama ya SADC nyamara uyu muryango umaze imyaka 36 ishinzwe.

Numvise Minisitiri ufite mu nshingano ze kwakira iyo nama, Prince Hlangusempi abwira itangazamakuru ko buri gihe iyo Swaziland yagerwagaho ngo yakire inama ya SADC yahitaga ibyamaganira kure kuko ngo itari yiteguye, Umwami buri gihe yumvaga tutaragira ubushobozi bwo kwakira inama iri kuri uru rwego.

Uyu mwaka rero ho byabaye ngombwa ko twakira iyo nama nta yandi mahitamo twari dufite. Kuko nagize amahirwe yo kubona uburyo u Rwanda rwari rwiteguye inama ya AU, reka mbwire umwami wacu ko agomba gukora ibirenzeho, niba ashaka ko igihugu cyacu gihinduka.

Abayobozi bashinzwe kwakira abantu birakwiye ko babishyiramo ubunyamwuga, natwe tukahanyurana umucyo.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Uwarokotse impanuka y’indege y’abakinnyi bo muri Brazil yari ari gusoma Bibiliya
Uwarokotse impanuka y’indege y’abakinnyi bo muri Brazil yari ari gusoma Bibiliya

Umwe mu bakinnyi warokotse impanuka y’indege yari imutwaye na bagenzi be bakinira ikipe ya Chapecoense FC yo muri Brazil, yaguyemo abantu 76 mu mpera z’ukwezi gushize, yari ari gusoma umurongo wa (...)

Saudi Arabia: 15 bakatiwe igihano cy’urupfu
Saudi Arabia: 15 bakatiwe igihano cy’urupfu

Ubutabera bw’igihugu cya Saudi Arabia, ku wa Kabiri bwakatiye abantu 15 igihano cy’urupfu nyuma y’uko bahamwe n’icyaha cy’ubutasi bakoreraga Iran. RFI ivuga ko abakatiwe bari mu bantu bagera kuri (...)

Ghana:  Havumbuwe abatekamutwe bari bamaze imyaka 10 batanga ibyangombwa bya USA
Ghana: Havumbuwe abatekamutwe bari bamaze imyaka 10 batanga ibyangombwa bya USA

Leta Zunze Ubumwe za Amerika yatangaje ko yamaze kuvumbura abatekamutwe bashinze ambasade yayo baringa mu gihugu cya Ghana, bari bamaze imyaka icumi batanga viza, impamyabumenyi n’ibyangombwa byo (...)

RDC: EU irasabira ibihano 5 mu bashinzwe umutekano
RDC: EU irasabira ibihano 5 mu bashinzwe umutekano

Abagize Inteko ishinga amategeko y’Umuryango w’Ubumwe bw’u Burayi(EU), barasabira ibihano Abanyekongo 5 mu bashinzwe umutekano muri Repubulika iharanira demokarasi ya Congo (DRC) baregwa uruhare mu (...)

Abanzi ba Isiraheli bayitera guhora iryamiye amajanja
Abanzi ba Isiraheli bayitera guhora iryamiye amajanja

Isiraheli ni kimwe mu bihugu byo mu Burasirazuba bwo hagati gifite abanzi benshi. Kubera iyi mpamvu, ubutegetsi bw’iki gihugu cy’Abayahudi buhora bwiteguye mu rwego rwo kwirinda ibitero by’abanzi. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.