2017-05-29 15:01:40 clouds 27o High | Kigali Rwanda

Dukurikire:
 
 

Sudani y’Epfo: Umuhungu wa Riek Machar yaguye mu mirwano

Yanditswe na IMVAHO NSHYA

Kuya 2016-08-08 08:46:48

 
Share on:
 
Yasuwe:2
 
Yavuzweho:200
 
10
 
10

Umuhungu wa Visi-Perezida wa Sudani y’Epfo, Dr. Riek Machar yaguye mu mirwano yashyamiranyije abasirikare be n’aba Perezida Salva Kiir mu kwezi gushize.

Hari hashize ibyumweru bitatu bihwihwiswa ko umuhungu wa Machar yapfuye ari nta gihamya. Gatwang Machar, umwe mu bahungu batatu ba Riek Machar ari mu basirikare be 37 bapfuye bahangana n’abarinzi ba Perezida Salva Kiir, uwo musore yari mu barinzi bakomeye ba se.

Nyuma yahoo Gatwang ngo yashyinguwe mu ibanga mu mujyi wa Juba nk’uko abo mu muryango wa Riek Machar babitangaza.

Umwe muri bo yabwiye Chimpreports dukesha iyi nkuru ati” Twabuze mugenzi wacu Gatwang mu mirwano yo mu kwezi gushize, yari umusirikare mwiza, tuzahora tumwibuka.”

JPEG - 61.5 kb
Gatwang Machar yapfuye arwanirira se

Muri iyo mirwano yabaye ubwo Salva Kiir na Riek Machar bari mu nama, uruhande rwa Kiir rwatakaje abasirikare 250.

Byahise bituma impande zombi zongera gufata intwaro kandi zari zarashyize umukono ku masezerano y’amahoro muri Kanama 2015, hakemezwa gushyiraho Guverinoma y’Ubumwe.

Nyuma y’umunsi umwe iyo mirwano ibaye, Machar yahise ava mu mujyi wa Juba, kuri ubu ntawe uzi neza aho aherereye, nubwo hari abavuga ko ari mu mashyamba y’inzitane yo muri ntara za Equatoria.

Ibihugu byo mu karere byibumbiye muri IGAD biherutse gutegeka ko Machar agaruka akaba Visi-Perezida.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE