Advertisement
 
 
 
 
 
 
 
 

Amakuru | Mu Mahanga

Sudani y’Epfo: Loni yambitse abapolisi b’u Rwanda imidari y’ishimwe   

  Yanditswe na RNP
 5 months ago

 
 

Umuryango w’Abibumbye wambitse imidari y’ishimwe abapolisi b’u Rwanda 29 bakora imirimo itandukanye irimo ubujyanama mu butumwa bw’amahoro muri Sudani y’Epfo mu rwego rwo kubashimira uruhare rwabo mu kugarura amahoro muri iki gihugu kimaze igihe gito kivutse.

Mu butumwa yagejeje ku bitabiriye uwo muhango wabaye ku wa 28 Nzeri, Uwungirije Intumwa Idasanzwe y’Umunyamabanga Mukuru w’Umuryango w’Abibumbye; ishinzwe ibibazo bijyanye na Politiki, Moustapha Soumaré, yashimye abo bapolisi b’u Rwanda ku murava n’imyitwarire myiza mu kazi ko gufatanya kubungabunga umutekano muri iki guhugu.

Yashimye by’umwihariko U Rwanda ku musanzu warwo mu kugarura amahoro mu bihugu bitandukanye ku isi, no guteza imbere igitsina gore.

Kugeza ubu, mirongo itatu ku ijana by’abapolisi b’u Rwanda bari mu butumwa bw’amahoro butandukanye bagizwe n’igitsina gore.

Soumaré yagize ati:"Mu Rwanda, igitsina gore kigira uruhare rukomeye mu iterambere ryarwo. Ruri mu bihugu byohereza umubare munini w’abapolisikazi mu butumwa bw’amahoro. Ni intangarugero mu kubahiriza ihame ry’uburinganire."

Yarusabye kongera umubare w’igitsina gore rwohereza mu butumwa bw’amahoro kugira ngo ibibazo by’abagore n’abana birusheho gukemuka.

Avuga ku ruhare rw’u Rwanda mu kugarura amahoro no kubungabunga umutekano ku isi, Soumaré yagize ati:"Kuva rwabona ubwigenge kugeza mu 1994, U Rwanda rwagize ubuyobozi bubi burangwa na Politiki yo kubiba urwango n’amacakubiri mu benegihugu yavuyemo Jenoside yakorewe Abatutsi mu 1994. Mu rugendo rwo kwiyubaka; nyuma y’ibihe by’icuraburindi rwari ruvuyemo, U Rwanda ntirwatereranye ibindi bihugu birimo umutekano muke, aho nyuma y’imyaka icumi (2004) Jenoside ibaye , rwafashe iya mbere mu kohereza abasirikare mu butumwa bw’amahoro bw’Umuryango wa Afurika Yunze Ubumwe muri Darfur. Mu mwaka ukurikiyeho (2005), rwoherejeyo (Darfur) umutwe wa mbere w’abapolisi."

Uyoboye iryo tsinda ry’abapolisi b’U Rwanda bambitswe imidari y’ishimwe, Senior Superintendent of Police (SSP) Willy Marcel Higiro yashimye Umuryango w’Abibumbye ku cyizere ugirira inzego z’umutekano z’u Rwanda, aho zigira uruhare rukomeye mu kubungabunga umutekano mu bihugu bitandukanye ku isi.

Yawijeje ko bazakomeza kuzuza inshingano zabo zo gufatanya n’abandi bapolisi baturuka mu bindi bihugu kugarura amahoro muri Sudani y’Epfo.

Uwo muhango wabereye ku cyicaro gikuru cy’Umuryango w’Abibumbye mu Mujyi Mukuru w’iki gihugu Juba; witabiriwe na bamwe mu bayobozi bakuru mu Muryango w’Abibumbye barimo Commissioner of Police (CP), Bruce Munyambo na Major General Andrew Kagame.

 

Comments

 
 
Zimbabwe: Bababajwe no kubona Mugabe arya ifiriti zo muri Amerika kandi yaraziciye mu gihugu
Zimbabwe: Bababajwe no kubona Mugabe arya ifiriti zo muri Amerika kandi yaraziciye mu gihugu

Abantu batandukanye bagaragaje uburakari batewe no kubona wa Zimbabwe Perezida Robert Mugabe afungura ifiriti zitwa Lays zikorerwa muri Leta Zunze Ubumwe za Amerika kandi aherutse kubuza (...)

USA: Abapfumu bahuriye hamwe mu mihango yo kuroga Perezida Donald Trump
USA: Abapfumu bahuriye hamwe mu mihango yo kuroga Perezida Donald Trump

Abapfumu baturutse hirya no hino ku Isi, ku wa Gatanu bahuriye mu mujyi wa New York, imbere y’inyubako ‘Trump Tower’ ya Perezida wa Leta Zunze Ubumwe za Amerika, Donald Trump, mu muhango wo kumuroga (...)

Papa Francis ati ‘Umukirisitu w’indyarya arutwa n’uhakana ko Imana ibaho”
Papa Francis ati ‘Umukirisitu w’indyarya arutwa n’uhakana ko Imana ibaho”

Umushumba wa Kiliziya Gatolika, Papa Francis yanenze bamwe mu bayoboke b’idini rye birirwa baririmba ko ari abakirisitu ariko bagakora ibibi avuga ko barutwa n’abahakana ko Imana ibaho. Mu isomo (...)

USA: Trump yavanyeho itegeko rigenera abafite ibitsina bibiri ubwiherero bwihariye
USA: Trump yavanyeho itegeko rigenera abafite ibitsina bibiri ubwiherero bwihariye

Ubuyobozi bwa Perezida wa Leta Zunze Ubumwe za Amerika, Donald Trump, bwavanyeho itegeko ryemerera abanyeshuri bafite ibitsina bibiri, cyangwa abafite imyitwarire idasa n’iy’igitsina bavukanye (...)

U Bwongereza: Abadepite bagiye impaka ku ruzinduko rwa Donald Trump
U Bwongereza: Abadepite bagiye impaka ku ruzinduko rwa Donald Trump

Abagize Inteko Ishinga Amategeko y’u Bwongereza bagiye impaka ku rugendo Perezida wa Leta Zunze Ubumwe za Amerika, Donald Trump azagirira mu gihugu cyabo mu minsi mike iri imbere. CNN ivuga ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.