2017-08-20 07:43:19 clouds 27o High | Kigali Rwanda

Dukurikire:
 
 

Sudani y’Epfo: 150 bamaze kugwa mu mirwano y’ingabo za Salva Kiir n’iza Machar

Yanditswe na IMVAHO NSHYA

Kuya 2016-07-09 13:53:47

 
Share on:
 
Yasuwe:1
 
Yavuzweho:200
 
10
 
10

Abasirikare 150 nibo bamaze kugwa mu mirwano y’ingabo za Perezida wa Sudani y’Epfo Salva Kiir ari nazo z’igihugu n’iza Visi-Perezida we Riek Machar, imaze iminsi ibiri ibera mu murwa mukuru wa Juba.

Imirwano ya mbere yabaye ku mugoroba wo ku wa Kane ahitwa Gudele, hafi y’aho Dr Machar atuye hapfa abasirikare bane bo ku ruhande rwa Salva Kiir.

Naho indi mirwano yabereye ku ngoro ya Perezida Kiir ku mugoroba wo ku wa Gatanu, iyi yo ibarirwa mu yaguyemo abasirikare benshi mu mateka y’ubushyamirane bw’aba bagabo bombi.

Chimpreports ivuga ko abasirikare bakomeretse n’abapfuye bo ku ruhande rwa Riek Machar bapakiwe mu gikamyo bakajyanwa ahantu hatazwi, bose bari 37, naho ku ruhande rwa Perezida Kiir ho hapfuye 109.

PNG - 973.3 kb
Perezida Kiir na Riek Machar bavuga ko batazi iby’iyo mirwano

Ibirambo y’abasirikare ba Salva Kiir yo ngo yerekejwe mu buruhukiro bw’ibitaro bya kaminuza bya Juba mu ijoro ryashize.

Kugeza ubu Salva Kiir na mugenzi we Machar baritarutsa iby’iyo mirwano. Mu kiganiro n’itangazamakuru bose babwiye abaturage ko “batigeze bamenya ko iyo mirwano yabaye”

Perezida Kiir yashinze Minisitiri w’Umutekano w’Imbere Lt. Gen. Lado Gore guperereza ku cyateje ubwo bwicanyi.
.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE