Advertisement
 
 
 
 
 
 
 
 

Amakuru | Mu Mahanga

Seychelles: Amb. Fatuma Ndangiza, uyoboye indorerezi za AU, yakiriwe na Perezida   

  Yanditswe na IMVAHO NSHYA
 September 2016

 
 

Perezida wa Seychelles, James Michel yakiriye Umunyarwandakazi, Amb. Fatuma Ndangiza uyoboye indorerezi z’amatora z’Umuryango w’Ubumwe bwa Afurika (AU) zigizwe n’abagore gusa.

Ndangiza wabaye ambasaderi wa mbere w’u Rwanda muri Seychelles, yaganiriye na Perezida Michel ku mikorere y’iryo tsinda rya mbere mu mateka rigizwe n’abagore rizagenzura amatora y’abadepite ateganyijwe kuva kuri uyu wa Kane ku ya 8 Nzeli 2016.

Perezidansi ya Seychelles yatangaje ko banaganiriye ku iterambere ry’abagore na demokarasi muri Afurika.

JPEG - 123.5 kb
Perezida wa Seychelles yakira Amb. Ndangiza

Perezida Michel yishimiye ko izo ndorerezi ziyobowe n’Umunyarwandakazi kuko u Rwanda rwakataje mu guha abagore agaciro.

Ati” Twishimiye ko kwakira itsinda ry’indorerezi rigizwe n’abagore gusa. Ibi bijyanye na politiki ya Seychelles kuko ari kimwe mu bihugu biha umwanya abagore mu myanya ifata ibyemezo. Ni igihugu cya kabiri muri Afurika nyuma y’u Rwanda mu kugira abagore benshi mu nteko ishinga amategeko.”

Ambasaderi Ndangiza yavuze ko we n’itsinda ayoboye bifuza ko amatora azaba mu mutuzo. Yasobanuye ko iryo tsinda rigizwe n’abagore bari mu nteko zishinga amategeko, abambasaderi, abo muri sosiyete sivile no muri komisiyo z’amatora baturutse mu bihugu 21.

Yavuze ko muri buri ntara ya Seychelles aroherezayo indorerezi.

Ati”Turohereza indorerezi 26 ku kirwa kinini (Seychelles igizwe n’ibirwa) ku buryo mu turere twose tuzaba dufite umuntu uduhagarariye. Twizeye ko ku ya 12 Nzeli tuzatangariza abaturage n’itangazamakuru ibyavuye mu kazi kacu. Tuzaha Repubulika ya Seychelles icyegeranyo mu mezi abiri.”

Ndangiza yasobanuye ko nk’indorerezi bazagenzura uko amatora yagenze, bakareba ubwitabire, niba yubahirije demokarasi nyuma bagatanga amakuru atabogamye.

 

Comments

 
 
USA: Nyirarukundo yanditse igitabo “Carrying Devine” kivuga kuri Jenoside
USA: Nyirarukundo yanditse igitabo “Carrying Devine” kivuga kuri Jenoside

Nyirarukundo Herniette, umwe mu Banyarwanda barotse Jenoside yakorewe Abatutsi mu Rwanda ubu uba muri Leta Zunze Ubumwe z’Amerika muri Leta ya Indiana, yanditse igitabo kivuga kuri Jenoside. Mu (...)

Koreya ya Ruguru yasabye ibihugu bya Aziya kuyifasha kurwanya USA
Koreya ya Ruguru yasabye ibihugu bya Aziya kuyifasha kurwanya USA

Koreya ya Ruguru yaburiye ibihugu bya Aziya yo mu majyepfo y’Uburasirazuba ko bishobora kuzasigwa iheruheru n’intambara y’ibisasu bya kirimbuzi mu gihe bidafatanyije kurwanya Leta Zunze Ubumwe za (...)

Abapolisi b’u Rwanda bari muri Haiti bambitswe imidari y’ishimwe
Abapolisi b’u Rwanda bari muri Haiti bambitswe imidari y’ishimwe

Abapolisi b’u Rwanda bari mu butumwa bw’amahoro bw’Umuryango w’Abibumbye mu gihugu cya Haiti (MINUSTAH) bazwi nka Individual Police Officers (IPOs), ku itariki 21 Mata uyu mwaka bambitswe imidari yo (...)

Leta ya Kiyisilamu iteganya kwiyunga na Al Qaeda
Leta ya Kiyisilamu iteganya kwiyunga na Al Qaeda

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq. Visi-Perezida wa Iraq, (...)

Uwa Gatanu Mutagatifu: Babambwe n’imisumari nyayo bibuka ububabare bwa Yezu
Uwa Gatanu Mutagatifu: Babambwe n’imisumari nyayo bibuka ububabare bwa Yezu

Mu gihe hirya no hino ku Isi abakirisitu bizihije umunsi wa wa Gatanu Mutagatifu, mu gihugu cya Philippines, bamwe babambwe ku musaraba n’imisumari. Imisumari bakoresheje bamubamba ni iya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.