Advertisement
 
 
 
 
 
 
 
 

Amakuru | Mu Mahanga

RDC: EU irasabira ibihano 5 mu bashinzwe umutekano   

  Yanditswe na KAYIRA ETIENNE
 4 months ago

 
 

Abagize Inteko ishinga amategeko y’Umuryango w’Ubumwe bw’u Burayi(EU), barasabira ibihano Abanyekongo 5 mu bashinzwe umutekano muri Repubulika iharanira demokarasi ya Congo (DRC) baregwa uruhare mu bwicanyi no gufunga byakorewe abigaragambyaga bashaka kugaragaza ibitekerezo byabo mu bice bitandukanye by’iki gihugu.

Radio Mpuzamahanga y’u Bufaransa RFI, itangaza ko iki cyifuzo cy’intumwa za rubanda mu Muryango w’ubumwe by’u Burayi EU, bagifashe bateganya kuzakigeza mu bagize akanama k’Abaminisitiri b’ububanyi n’amahanga kazaterana ku wa 12 Ukuboza 2016.

“Nubwo bidasanzwe bimenyerewe ko Inteko ishinga amategeko ya EU yivanga mu byo gusabira ibihano abantu ku giti cyabo bakekwaho ibyaha hakozwe urutonde rw’amazina, biragaragara ko muri iki cyumweru turimo hazafatwa icyemezo cyo muri ubwo buryo mu nama iteganyijwe”.

JPEG - 495.9 kb
Kinshasa: Ingabo za Monusco zireba uburyo inyubako zikoreramo imitwe ya politiki zashenywe mu myigaragambyo yabaye ku wa 19 Nzeri 2016

Ibihano nk’ibi bifatwa n’ibihugu by’amahanga ku Banyekongo byabimburiwe na Leta zunze ubumwe z’Amerika (USA) mu gihe gito gishize.

RFI iti “Mu bahwihwiswa kuri urwo rutonde rw’abazafatirwa ibihano nibiramuka byemejwe harimo aba ofisiye batanu b’Abanyekongo ndetse batatu muri bo banafatiwe ibihano na Leta zunze ubumwe z’Amerika. Abo ni: Celestin Kanyama umuyobozi wa politiki mu murwa mukuru Kinshasa, Gabriel Amisi Kumba komanda wa zone ya mbere y’ingabo za Kongo hamwe na John Numbi wigeze kuba umuyobozi mukuru wa Polisi ya DRC”. Aba uko ari batatu nta we ushobora guhabwa Viza y’Amerika, nta n’ufite uburenganzira bwo kubikuza amafaranga ye yaba afite muri icyo gihugu cy’igihangange ku isi.

Abandi babiri bari kuri lisiti y’Umuryango w’ubumwe bw’u Burayi ari bo Kalev Mutond umuyobozi mukuru wa ANR, ikigo cy’igihugu gishinzwe iperereza na Gen Gaston Hughes Ilunga Kampete, umuyobozi w’abasirikare barinda Umukuru w’igihugu.

Marie Arena, intumwa ya rubanda y’u Bubiligi mu Muryango wa EU umwe mu bagize uruhare mu kuzamura iki cyifuzo yagize ati “Icyo tugamije ni uguhana abakora ibyaha byo guhohotera ikiremwamuntu aho ari ho hose ku isi, ibihano bishobora gukumira ko amahano nk’ayo atakomeza."

Abo badepite b’Umuryango w’u Buryayi ngo biyemeje gusobanurira izindi nzego zose zikorana na EU ibyiza byo gufatira aba Banyekongo-Kinshasa ibihano kugeza ubwo bizemezwa mu nama y’Abaminisitiri b’ububanyi n’amahanga iteganyijwe ku wa 12 Ukuboza.

Hari abatekereza ko icyakongeje uburakari bw’aba banyamahanga kuri bamwe mu bashinzwe umutekano muri DRC ari abantu bishwe mu myigaragambyo y’ i Kinshasa yo ku wa 19 Nzeri. Nyamara, aba banyaburayi baratangaza ko ibi bihano bireba n’abadindiza amatora muri icyo gihugu nk’uko biteganywa n’Itegeko Nshinga rya Kongo.

Bagira bati “Twabisabye kenshi Abanyaburayi ariko batinda kubyumva kubera impamvu zabo bwite. Kuba babyemeye muri iki gihe, biragaragariza abatuye isi ko Umuryango Mpuzamahanga dukora twuzuzanya”.

Kuri iki kibazo cy’ibihano bisabirwa Abanyekongo, Tryphon Kin-Kiey Mulumba wahoze ari minisitiri ushinzwe umubano n’Inteko ishinga amategeko muri DRC yatangaje ko abo banyamahanga batagomba kwitwaza ibibazo by’amatora n’uburenganzira bwa muntu ngo bivange mu miyoborere y’ibindi bihugu byigenga.

Yagize ati “Muri Kongo dufite Itegeko Nshinga tugenderaho. Kuki Leta zunze ubumwe z’Amerika birengagiza ibikubiyemo bakikorera ibyo bishakiye bigamije guharabika igihugu cyacu?” Yibukije ko hari n’amasezerano bagenderaho yumvikanyweho mu nama y’abanyapolitiki yashyizweho umukono ku wa 18 Ukwakira. Yavuze ko Perezida adashobora kuva ku butegetsi hatabaye amatora.

 

Comments

 
 
Leta ya Kiyisilamu iteganya kwiyunga na Al Qaeda
Leta ya Kiyisilamu iteganya kwiyunga na Al Qaeda

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq. Visi-Perezida wa Iraq, (...)

Uwa Gatanu Mutagatifu: Babambwe n’imisumari nyayo bibuka ububabare bwa Yezu
Uwa Gatanu Mutagatifu: Babambwe n’imisumari nyayo bibuka ububabare bwa Yezu

Mu gihe hirya no hino ku Isi abakirisitu bizihije umunsi wa wa Gatanu Mutagatifu, mu gihugu cya Philippines, bamwe babambwe ku musaraba n’imisumari. Imisumari bakoresheje bamubamba ni iya (...)

Koreya ya Ruguru, itumvikana na USA, yerekanye ingufu zayo za gisirikare
Koreya ya Ruguru, itumvikana na USA, yerekanye ingufu zayo za gisirikare

Koreya ya Ruguru yerekanye ububasha bwayo bwa gisirikare mu murwa mukuru Pyongyang kuri uyu wa Gatandatu ubwo yizihizaga ‘Umunsi w’Izuba.” Ni mu gihe hatutumba umwuka mubi hagati y’icyo gihugu na (...)

USA: Umuyisilamukazi wa mbere wabaye umucamanza mukuru yishwe
USA: Umuyisilamukazi wa mbere wabaye umucamanza mukuru yishwe

Sheila Abdus-Salaam, umugore wabaye umucamanza wa mbere w’Umuyisilamu mu mateka ya Leta Zunze Ubumwe za Amerika yasanzwe yarapfuye ku wa Gatatu mu mugezi wa Hudson uri mu mujyi wa New York. (...)

Abanyarwanda biga mu Bushinwa bibutse Jenoside yakorewe Abatutsi
Abanyarwanda biga mu Bushinwa bibutse Jenoside yakorewe Abatutsi

Abanyeshuri biga muri za kaminuza ziherereye mu mujyi wa Shenyanga mu Bushinwa, ku wa 9 Mata 2017, bahuriye mu gikorwa cyo kwibuka Jenoside yakorewe Abatutsi mu 1994. Shenyang n’umujyi uri mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.