Advertisement
 
 
 
 
 
 
 
 

Amakuru | Mu Mahanga

RD Congo: FDLR yashimuse abakozi b’umuryango Caritas   

  Yanditswe na IMVAHO NSHYA
 5 months ago

 
 

Abakozi batatu b’umuryango ufasha abakene wa Kiliziya Gatolika, Caritas bashimuswe n’abarwanyi b’umutwe wa FDLR ku wa kabiri ku ya 16 Kanama 2016, mu Ntara ya Kivu y’Amajyaruguru muri Repubulika Iharanira Demokarasi ya Congo.

Umuvugizi wa Caritas-Congo, Guy-Marin Kamandji yabwiye AFP ko bashimutiwe muri kilometero 125 uvuye ku murwa mukuru w’iyo ntara, Goma, mu gace kazwimo cyane ibikorwa by’ubugizi bwa nabi bw’umutwe wa FDLR urwanya leta y’u Rwanda.

Ati” Imodoka ebyiri za Caritas-Congo zaguye mu gico cy’abarwanyi, bashimuta abakozi batatu b’Abanyekongo. Imwe mu modoka yarashweho… ariko ishobora kubacika.”

Kamandji yongeyeho ko umwe mu bari muri izo modoka, gafotozi w’Umudage yakomeretse ukuguru, kandi ko nta mafaranga cyangwa imfashanyo izo modoka zari zitwaye.

Ati” Amakuru dufite atwemeza ko ari abarwanyi ba FDLR babashimuse.



Umutwe wa FDLR, uri mu mashyamba yo mu burasirazuba bwa Congo kuva mu 1994, ugizwe na bamwe mu bakoze Jenoside yakorewe Abatutsi , ushinjwa ubwicanyi, ubusahuzi no guhohotera abaturage bari mu duce iherereyemo.

Abayobozi bayo benshi bashinjwa ibyaha by’intambara n’ibyibasiye inyokomuntu. Inta ya Kivu y’Amajyaruguru imaze imyaka isaga 20 yarabaye isibaniro ry’imitwe y’inyeshyamba, abaturage baho babarirwa mu bihumbi amagana bavuye mu byabo.

Gushimuta abakozi b’imiryango y’ubugiraneza byakunze kugaragara cyane muri uyu mwaka mu duce twa Masisi, Lubero, Rutshuru na Walikale.

JPEG - 72.4 kb
Abaturage babarirwa mu bihumbi bamaze guhunga imitwe y’inyeshyamba irimo na FDLR

Ubwicanyi buherutse no kwibasira agace ka Beni aho umutwe w’intagondwa urwanya leta ya Uganda, ADF Nalu wishe abaturage babarirwa muri 50 ubatemaguye, ubaziza ko batemera idini rya Islam.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Tanzania: Lowassa wahanganye na Perezida Magufuli mu matora yatawe muri yombi
Tanzania: Lowassa wahanganye na Perezida Magufuli mu matora yatawe muri yombi

Edward Lowassa wahoze ari Minisitiri w’Intebe akaba ari nawe mukandida ufatika wari uhanganya na Perezida John Pombe Magufuli yatawe muri yombi by’akanya gato azira gukoresha inama atabifitiye (...)

Zimbabwe: Umupasiteri afungiwe guhanura ko Perezida Mugabe azapfa muri uyu mwaka
Zimbabwe: Umupasiteri afungiwe guhanura ko Perezida Mugabe azapfa muri uyu mwaka

Umupasiteri witwa Patrick Mugadza yatawe muri yombi ku wa mbere azira guhanura ko perezida wa Zimbabwe, Robert Mugabe azapfa muri uyu mwaka wa 2017. Mu kiganiro n’itangazamakuru, uyu mupasiteri (...)

Trump yatangaje ko azavaniraho u Burusiya ibihano
Trump yatangaje ko azavaniraho u Burusiya ibihano

Donald Trump watorewe kuyobora Leta Zunze Ubumwe za Amerika yatangaje ko agiye kuvaniraho u Burusiya ibihano kugira ngo nabwo bwemere kugabanya ibisasu bya kirimbuzi bufite. Mu kiganiro (...)

U Burayi: Ubukonje bukabije bumaze guhitana abantu 65
U Burayi: Ubukonje bukabije bumaze guhitana abantu 65

Abantu 65 bamaze kwicwa n’ubukonje bukabije mu duce dutandukanye tw’u Burayi cyane cyane mu gihugu cya Bulgaria. Abenshi mu bapfa biganjemo abasheshe akanguhe n’abatagira aho batuye; barimo umusaza (...)

Perezida Museveni yagize umuhungu we umujyanama wihariye mu bya gisirikare
Perezida Museveni yagize umuhungu we umujyanama wihariye mu bya gisirikare

Perezida wa Uganda, Yoweri Museveni yahaye umuhungu we Muhoozi Kainerugaba inshingano zo kuba Umujyanama Mukuru we mu by’Ibitero by’Ingabo zidasanzwe, (special operations). Ikinyamakuru The Star (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.