Advertisement
 
 
 
 
 
 
 
 

Amakuru | Mu Mahanga

Perezida wa Zambia yasabye imbabazi Abanyarwanda   

  Yanditswe na HERVE UGIRUMUKUNDA
 April 2016

 
 

Perezida wa Zambia, Edgar Lungu, yasabye imbabazi Abanyarwanda kubera urugomo bamaze iminsi bakorerwa n’abaturage b’icyo gihugu.

Kuri uyu wa Kane, Perezida Lungu yasuye Abanyarwanda n’abandi banyamahanga basaga 300 bahungiye kuri paruwasi yitiriwe Mutagatifu Ignatius mu Mujyi wa Lusaka.

Lusaka Times ivuga ko Lungu yatunguye abo banyamahanga biganjemo Abanyarwanda, Abarundi n’Abanyekongo saa tanu n’igice z’igitondo, akabasaba imbabazi ku bw’urugomo bakorewe kuva mu ntangiriro z’iki cyumweru.

JPEG - 83.3 kb
Perezida Lungu asura abanyamahanga biganjemo Abanyarwanda bahungiye kuri Kiliziya

Yababwiye ko atewe ipfunwe n’imyitwarire ya bamwe mu baturage be bishe abanyamahanga babiri babatwitse ndetse bakangiza ibikorwa byinshi byabo.

Ati” Nemeye kwambara icyo gisebo mu mwanya w’abaturage ba Zambia. Mbijeje umutekano wanyu n’ibyanyu.”

Lungu yashimangiye ko ubugizi bwa nabi bumaze iminsi muri icyo gihugu ahanini bushingiye ku myitwarire mibi y’abaturage kurusha ku ivangura.

JPEG - 67.2 kb
Lungu asuhuza umwana w’umunyeshuri wahunze ubugizi bwa nabi

Yongeyeho ko Leta ya Zambia, Loni n’amadini bizafatanya gukemura icyo kibazo burundu. Umubare w’abanyamahanga bakomeje guhungira kuri polisi n’insengero ukomeje kwiyongera.

Padiri Chilinda, wo kuri paruwasi yitiriwe mutagatifu Ignatius, yavuze ko umubare w’ababahungiraho umaze kuba munini ku buryo kubona ibibatunga bigoye cyane.

Ambasade y’u Rwanda muri Zambia yatangaje ko umutekano w’Abanyarwanda bari muri Zambia ukomeje kubungabungwa ndetse hatangiye kuboneka agahenge, ariko ibasaba kwirinda gusubira mu duce dutuwe cyane cyangwa amaduka yari yagabweho ibitero mbere y’uko umutekano wabo ubungabundwa ijana ku ijana.

Umuvugizi wa Polisi muri Zambia, Charity Chanda, yavuze ko hamaze gufatwa abagera kuri 250 bakekwa kugira uruhare mu bwicanyi n’ubusahuzi bwibasira abanyamahanga.

Abanyazambiya basahuye amaduka yiganjemo ay’Abanyarwanda, nyuma y’urupfu rw’abaturage umunani ba Zambia bishwe bagacibwa bimwe mu bice by’imibiri bigakekwako ari abanyamahanga babikoresheje mu bupfumu.

 

Comments

 
 
Libya: Hatoraguwe imibiri y’abimukira basaga 70 bashakaga kujya i Burayi
Libya: Hatoraguwe imibiri y’abimukira basaga 70 bashakaga kujya i Burayi

Umuryango mpuzamahanga utabara imbabare, Croix-Rouge kuri uyu wa Kabiri watangaje ko watoraguye imibiri y’abimukira 74 bapfuye barohamye ubwo bashakaga kujya mu Burayi banyuze mu nyanja ya (...)

Zimbabwe: Robert Mugabe yujuje imyaka 93, ashimangira ko azongera kwiyamamaza
Zimbabwe: Robert Mugabe yujuje imyaka 93, ashimangira ko azongera kwiyamamaza

Perezida wa Zimbabwe, Robert Mugabe yujuje imyaka 93 kuri uyu wa 21 Gashyantare 2017, avuga ko aziyamamaza mu matora y’imukuru w’igihugu ateganyijwe mu mwaka utaha. Mu kiganiro yagiranye na (...)

Kirehe:Batewe impungenge n’utukoko twibasiye amasaka bahinze
Kirehe:Batewe impungenge n’utukoko twibasiye amasaka bahinze

Abaturage bo mu kagari ka Munini, umurenge wa Mahama mu karere ka Kirehe barasaba ubuyobozi kubakorera ubuvugizi bakabona umuti w’udukoko twibasiye amasaka bahinze, kuko ari kumera yagera hejuru (...)

Gambia : Perezida Barrow yarekuye imfungwa za politiki
Gambia : Perezida Barrow yarekuye imfungwa za politiki

Perezida wa Gambia, Adama Barrow, yatanze amabwiriza yo kurekura imfungwa zose zari muri gereza zitaraburanye kubera igitugu cya Yahya Jammeh. Mu ijambo yavuze ku wa Gatandatu w’icyumweru (...)

Umugore wa Trump yibasiwe azira gusoma isengesho rya ‘Dawe uri mu Ijuru’
Umugore wa Trump yibasiwe azira gusoma isengesho rya ‘Dawe uri mu Ijuru’

Benshi bibasiye Umufasha wa Perezida wa Leta Zunze Ubumwe za Amerika, Melania Trump bamuziza ko yasomeye isengesho rya Dawe uri mu Ijuru mu ruhame. Ku wa Gatandatu, Melania ari kumwe n’umugabo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.