Advertisement
 
 
 
 
 
 
 
 

Amakuru | Mu Mahanga

Perezida wa Tanzania yitiriye ikiraro Nyerere kuko izina rye ”Magufuli” atari ryiza   

  Yanditswe na HERVE UGIRUMUKUNDA
 April 2016

 
 

Perezida wa Tanzania, John Pombe Magufuli yitiriye Julius Nyerere ikiraro cyo mu mujyi wa Dar es Salaam mu rwego rwo kumwubaha kuko yaharaniye ubwigenge bw’icyo gihugu, ndetse avuga ko izina rye Magufuli ritumvikana neza mu matwi ku buryo ryari kukitirirwa.

Amaze gutaha icyo kiraro yavuze ko kucyubaka byari mu migambi y’ubuyobozi bwa Mwalimu Julius Nyerere ariko ntibishyirwe umu bikorwa kubera ubukene.

The Citizen (Tz) ivuga ko Perezida Magufuli yanze ko icyo kiraro kimwitirirwa kuko izina rye ubwaryo ritirangira neza mu matwi.

Ati” Nagiriye inama minisiteri yo kutitirira ikiraro “Magufuli”kuko n’iryo zina ubwaryo ntirivugitse neza. Nabahaye igitekerezo cyo kucyita izina rya Nyerere mu rwego rwo kumwubahira ibyo yakoreye igihugu cyacu.”

JPEG - 88.8 kb
Ikiraro cya Nyerere

Icyo kiraro cyatwaye miliyari 254 z’amashilingi ya Tanzaniya aturutse mu Kigo Gishinzwe Ubwiteganyirize cyatanze 60% na guverinoma y’icyo gihugu yatanze asigaye.

Icyo kiraro gifite metero 680, ni nacyo kirekire muri Afurika y’Uburasirazuba, gihuza umujyi wa Dar es Salaam n’akarere ka Kigamboni kinyuze mu Nyanja y’u Buhinde.

Cyitezweho korohereza abatuye ako karere kugera mu mujyi wa Dar es Salaam kuko ubusanzwe bazaga mu bwato rimwe na rimwe bukarohama, hakabaho abapfa.
Kuri ubu imodoka n’abanyamaguru bari kugicaho ku buntu mu gihe Leta ya Tanzaniya ikiga ku buryo izajya yishyuza buri kintu giciyeho.

JPEG - 47.8 kb
Ikiraro cyitiriwe Nyerere cyafunguwe mu birori
 

Comments

 
 
USA: Nyirarukundo yanditse igitabo “Carrying Devine” kivuga kuri Jenoside
USA: Nyirarukundo yanditse igitabo “Carrying Devine” kivuga kuri Jenoside

Nyirarukundo Herniette, umwe mu Banyarwanda barotse Jenoside yakorewe Abatutsi mu Rwanda ubu uba muri Leta Zunze Ubumwe z’Amerika muri Leta ya Indiana, yanditse igitabo kivuga kuri Jenoside. Mu (...)

Koreya ya Ruguru yasabye ibihugu bya Aziya kuyifasha kurwanya USA
Koreya ya Ruguru yasabye ibihugu bya Aziya kuyifasha kurwanya USA

Koreya ya Ruguru yaburiye ibihugu bya Aziya yo mu majyepfo y’Uburasirazuba ko bishobora kuzasigwa iheruheru n’intambara y’ibisasu bya kirimbuzi mu gihe bidafatanyije kurwanya Leta Zunze Ubumwe za (...)

Abapolisi b’u Rwanda bari muri Haiti bambitswe imidari y’ishimwe
Abapolisi b’u Rwanda bari muri Haiti bambitswe imidari y’ishimwe

Abapolisi b’u Rwanda bari mu butumwa bw’amahoro bw’Umuryango w’Abibumbye mu gihugu cya Haiti (MINUSTAH) bazwi nka Individual Police Officers (IPOs), ku itariki 21 Mata uyu mwaka bambitswe imidari yo (...)

Leta ya Kiyisilamu iteganya kwiyunga na Al Qaeda
Leta ya Kiyisilamu iteganya kwiyunga na Al Qaeda

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq. Visi-Perezida wa Iraq, (...)

Uwa Gatanu Mutagatifu: Babambwe n’imisumari nyayo bibuka ububabare bwa Yezu
Uwa Gatanu Mutagatifu: Babambwe n’imisumari nyayo bibuka ububabare bwa Yezu

Mu gihe hirya no hino ku Isi abakirisitu bizihije umunsi wa wa Gatanu Mutagatifu, mu gihugu cya Philippines, bamwe babambwe ku musaraba n’imisumari. Imisumari bakoresheje bamubamba ni iya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.