Advertisement
 
 
 
 
 
 
 
 

Amakuru | Mu Mahanga

Perezida Museveni yagize umuhungu we umujyanama wihariye mu bya gisirikare   

  Yanditswe na IMVAHO NSHYA
 2 months ago

 
 

Perezida wa Uganda, Yoweri Museveni yahaye umuhungu we Muhoozi Kainerugaba inshingano zo kuba Umujyanama Mukuru we mu by’Ibitero by’Ingabo zidasanzwe, (special operations).

Ikinyamakuru The Star kivuga ko Kainerugaba w’imyaka 42 wari asanzwe ari Umuyobozi w’izo ngabo zidasanzwe, ku wa Mbere nimugoroba yasimbuwe by’agateganyo n’uwari amwungirije, Don Nabasa wahawe ipeti rya koroneri.

Si ubwa mbere Museveni ahaye uwo mu muryango we umwanya muri guverinoma kuko umuvandimwe we Salim Saleh ari umujyanama mu biro bya perezida naho umugore we Janet Museveni akaba Minisitiri w’Uburezi.

JPEG - 108.4 kb
Muhoozi Kainerugaba yagizwe umujyanama wihariye mu bya gisirikare wa Museveni

Kainerugaba yinjiye mu gisirikare mu 1998, ahabwa ipeti rya major mu 2001. Umuvugizi w’igisirikare cya Uganda, Paddy Ankunda yabwiye Reuters ko kumuhindurira imirimo ari impinduka zisanzwe.

Perezida Museveni kandi aherutse kwirukana abasirikare bakuru barimo umugaba w’ingabo Katumba Wamala wasimbuwe na Maj. Gen. David Muhoozi.

 

Comments

 
 
U Buhinde: Abanyarwanda batsinze amarushanwa yo gukora imodoka ikoresha imirasire y’izuba
U Buhinde: Abanyarwanda batsinze amarushanwa yo gukora imodoka ikoresha imirasire y’izuba

Nubwo Kaminuza ya STES-Rwanda (Sinhgad Technical Education Society-Rwanda) iherereye mu Karere ka Kicukiro iri mu zahagaritswe by’agateganyo na Minisiteri y’Uburezi zitujuje ibyangombwa, (...)

USA: Trump yananiwe gushyiraho itegeko risimbura ’Obamacare’
USA: Trump yananiwe gushyiraho itegeko risimbura ’Obamacare’

Perezida wa Leta Zunze Ubumwe za Amerika, Donald Trump, ku munota wa nyuma yanze ko inteko ishinga amategeko itora itegeko rigena uko Abanyamerika bivuza yari yashyizeho ngo risimbure ACA (...)

Centrafrique: Abasaga 20 baguye mu mirwano hagati y’imitwe yitwaje intwaro
Centrafrique: Abasaga 20 baguye mu mirwano hagati y’imitwe yitwaje intwaro

Abantu babarirwa muri 20 biganjemo abasivili baguye mu mirwano hagati y’imitwe yitwaje intwaro mu gace ka Bakouma muri Centrafrique muri iki cyumweru. AFP ivuga ko iyo mirwano yatangiriye mu (...)

Inkunga USA iha amahanga ishobora kuvaho
Inkunga USA iha amahanga ishobora kuvaho

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga (...)

Umuvugizi wa Polisi ya Uganda yarashwe arapfa
Umuvugizi wa Polisi ya Uganda yarashwe arapfa

AIGP Andrew Felix Kaweesi, umuvugizi wa Polisi ya Uganda yishwe arashwe mu gitondo cyo kuri uyu wa 17 Werurwe 2017. The New Vision ivuga ko yari imbere yiwe, ahitwa Kulambiro mu mujyi wa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.