2017-06-25 13:58:23 clouds 27o High | Kigali Rwanda

Dukurikire:
 
 

Perezida Kagame yitabiriye inama ya TICAD ya mbere ibereye muri Afurika

Yanditswe na IMVAHO NSHYA

Kuya 2016-08-26 17:32:29

 
Share on:
 
Yasuwe:0
 
Yavuzweho:200
 
10
 
10

Perezida Paul Kagame araye ageze i Nairobi muri Kenya aho yitabiriye Inama ya gatandatu mpuzamahanga ya Tokyo ku iterambere ry’Afurika (TICAD VI) guhera kuri uyu wa 26 kugeza ku wa 27 Kanama 2016.

Bivugwa ko ari bwo bwa mbere iyi nama igiye kubera muri Afurika ikaba ikurikira iya gatanu (TICAD V) yabereye i Yokohama mu Buyapani ku ya 1 kugeza ku ya 3 Kamena 2013, n’izindi zose zayibanjirije mu 1993, 1998, 2003, 2008 zaberaga mu Buyapani.

Perezida Kagame akigera i Nairobi...

Ikigo cy’u Buyapani gitsura iterambere (Japan International Cooperation Agency, JICA) cyatangaje ko mu gihe iyi nama irimo kuba hari ibikorwa bitandukanye bibera mu Rwanda birimo imurikabikorwa n’indi mihango iyobowe n’abayobozi batandukanye.

Biteganyijwe ko mu mihango ibera mu Rwanda harimo uwitabirwa na Minisitiri w’Ubuhinzi n’Ubworozi, Dr. Gerardine Mukeshimana, ahazaba hahurijwe Umuryango wiga ku iterambere ry’umuceri wa Afurika (CARD) abereye umuyobozi, hakazanarebwa n’ahazaza h’igihingwa cy’umuceri mu Rwanda no muri Afurika.

Biteganyijwe ko Perezida ari mu itsinda ry’abanyacyubahiro batanga ikiganiro ku cyerekeza cya Afurika mu myaka 50 (Agenda 2063) nk’igitekerezo cy’abanyafurika cyo kwiteza imbere.

Bazaganira ku kibazo cy’ingufu z’amashanyarazi

Nkuko bigaragara kuri gahunda y’ibizabera mu Rwanda hazanarebwa uburyo n’icyakorwa ngo ibihugu bya afurika bibone ingufu z’umuriro w’amashanyarazi bidahenze, uruhare rw’abikorera n’ubufatanye bwabo mu guteza imbere ibikorwa remezo bijyanye nikorababuhanga mu itumanaho.

Hari kandi kureba ku iterambere ry’ubucuruzi hagati y’ibihugu bya Afurika (intra Africa trade) nk’inkingi yo guharanira iterambere rirambye, ndetse hazagarukwa ku ngero n’ibimaze gukorwa ku bucuruzi mu bihugu bya akarere, nko kumipaka ya Rusumo (One stop border post)’ yahujwe ikaba ikora amasaha 24 n’ibindi.

Ibindi bizaganirwaho, ni uburyo bwo kurwanya imirire mibi muri Afurika no kwihaza mu biribwa, hakazatangizwa ku mugaragaro, umushinga wiswe “Japan initiative for nutrition’’.

Iyi nama mpuzamahanga ku iterambere rya Afurika itegurwa ku bufatanye n’Ishami ry’Umuryango w’Abibumbye ryita ku iterambere (UNDP) Komisiyo y’Umuryango w’Ubumwe bwa Afurika (AUC), Banki y’Isi n’abandi bafatanyabikorwa baturutse mu bihugu byose bya Afurika.

Ihuriro mpuzamahanga ku iterambere rya Afurika (TICAD) ryatangiye mu mwaka wa 1993, ritangijwe na Guverinoma y’u Buyapani, rigamije kuganira ku birebana na politiki hagati y’abayobozi ba Afurika n’abafatanyabikorwa babo mu iterambere.

Reba videwo hano

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE