2017-06-24 12:54:56 clouds 27o High | Kigali Rwanda

Dukurikire:
 
 

Perezida Kagame yashyizwe mu byamamare bizavamo uwaranze umwaka wa 2016

Yanditswe na IMVAHO NSHYA

Kuya 2016-03-27 11:10:24

 
Share on:
 
Yasuwe:83
 
Yavuzweho:200
 
10
 
10

Perezida w’u Rwanda, Paul Kagame, yaje mu byamamare bizatoranywamo umuntu waranze Isi muri uyu mwaka wa 2016 mu matora y’ikinyamakuru Time.

Buri mwaka, ikinyamakuru Time gikora urutonde rw’abantu 100 babaye intangarugero ku Isi. Muri uyu mwaka, urwo rutonde rugizwe n’abakuru b’ibihugu, abahanga muri siyansi n’ikoranabuhanga, inararibonye mu bugeni n’abandi bagezweho muri iki gihe.

Mu gihe abanditsi bakuru ba Time ari bo bagena uzagirwa “umuntu w’umwaka” buri wese aba ashobora gutora uwo yifuza ko yahabwa uwo mwanya.

JPEG - 44 kb
Paul Kagame mu matora ya Time 100

Mu bantu ijana bazatoranywamo umuntu w’umwaka, muri Afurika hajemo Perezida Kagame na Denis Mukwege, umuganga wo muri Repubulika Iharanira Demokarasi ya Congo.

Icyo kinyamakuru kivuga ko cyashyize Perezida Kagame kuri urwo rutonde kubera guteza imbere u Rwanda kandi akaba ari we mukuru w’igihugu cya Afurika ukurikiwe cyane ku rubuga rwa Twitter.

Niba ushaka gutora Perezida Kagame kanda hano.

Amatora azasozwa saa tanu n’iminota 59 z’ijoro ryo ku wa 10 Mata, naho uwatsinze atangazwe ku ya 14 Mata. Urutonde rw’abantu baranze umwaka wa 2016 rwo ruzatangazwa ku ya 21 Mata.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE