2017-07-21 15:15:02 clouds 27o High | Kigali Rwanda

Dukurikire:
 
 

Perezida Kagame yasabiye Abanyafurika bose amashanyarazi

Yanditswe na IMVAHO NSHYA

Kuya 2016-05-24 16:07:09

 
Share on:
 
Yasuwe:1
 
Yavuzweho:200
 
10
 
10

Perezida Paul Kagame yagaragaje ko ingufu z’amashanyarazi zikenewe gukwizwa mu gufasha Abanyafurika kwikura mu bukene bumaze kuba akarande nubwo hari byinshi bimaze gukorwa mu guhangana na bwo mu bihugu bitandukanye.

Ikibazo cy’ubukene n’ibura ry’amashanyarazi byagarutsweho cyane mu nama ngarukamwaka ya Banki Nyafurika Itsura Amajyambere (AfDB) yabereye mu mujyi wa Lusaka muri Zambia guhera ku wa 24 Gicurasi 2016.

Perezida Kagame yashimangiye ko umugabane wa Afurika utagikeneye imbabazi ngo wikure mu bukene, ahubwo igikenewe ari imbaraga mu by’ubukungu no kureba ibyafasha iterambere ry’inganda birimo gukwiza ingufu z’amashanyarazi.

Yagize ati “Turambiwe ubukene n’imiterere mibi ya Afurika, kandi guhangana n’ibi bibazo ni ugushora imari mu iterambere ry’inganda. Hari umuvuduko ufatika; dutangiye kwihutisha ibyihutirwa nk’umugabane. Ntiturakererwa reka dukomeze dukemure ibibazo byacu tunafasha abaturage kubona amashanyarazi.

Perezida wa Kenya Uhuru Kenyatta, yongeyeho ati “Dukeneye guhangana n’iki kibazo cy’ibura ry’amashanyarazi. Reka tureke kujya kure, tugomba kuvugurura ikwizwa ry’ingufu z’amashanyarazi. Tureke amagambo dushyire mu bikorwa ibisubizo bifatika."

Imibare itangwa n’Umuryango w’Ubumwe bwa Afuika igaragaza ko ibihugu birenga 30 bya Afurika bifite ikibazo gikomeye cy’ikwizwa ry’ingufu z’amashanyarazi n’ibura rya hato na hato ry’umuriro, bikaba bituma ahenda ku kigero cyo hejuru.

Ikibazo gikomeye ntikiri mu ibura ry’amashanyarazi gusa, ahubwo ngo gishingiye ku miyoboro n’ibindi bikorwa remezo bike b’ibihari byangirika kubisana bikaba ingume. Ibi ngo bigira ingaruka zikomeye ku iterambere ry’inganda n’ubukungu bw’imbere bwa buri gihugu bukagabanuka byibuze ku kigero cya 2%.

Perezida Kagame ari kumwe na Perezida wa Zambia, Uhuru Kenyatta wa Kenya n’abandi bakuru b’ibihugu nk’abashyitsi bakuru muri iyo nama izaba ibaye ku nshuro ya 51.

Abandi bakomeye bazitabira iyo nama ni umuhanzi Akon, Kofi Atta Annan wigeze kuyobora Loni, Umuherwe Aliko Dangote, Umucuruzi ukomeye w’Umuhinde Ashish Thakkar, Umunyapolitike wo muri Ghana John Kufuor, Mary Robinson wabaye Perezida wa mbere w’umugore muri Ireland, Umuherwe Mo Ibrahim, Nancy Lee, Impuguke mu by’Ubukungu muri Nigeria Ngozi Okonjo-Iweala na Tony Elumelu.

Uretse gahunda nshya y’iterambere rya Afurika binyuze mu kuzamura urwego rw’ingufu z’amashanyarazi mu myaka 10 iri imbere, kuri gahunda hari no kwiga kuri gahunda zo guhangira imirimo urubyiruko n’izo guteza imbere urwego rw’ubuhinzi hanarebwaingamba zihuse mu guhangana n’ihindagurika ry’ibihe n’ingaruka zabyo.

Banki Nyafurika Itsura Amajyambere itera inkunga ibihugu byo ku mugabane ahanini binyuze mu nguzanyo zo kwishyura mu gihe kirekire, mu mwaka ushize ikaba yaratanze inguzanyo zingana na miliyari 8.8 yiyongereyeho 25% ugereranyije n’iyatanzwe mu 2014.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE