2017-05-22 14:46:21 clouds 27o High | Kigali Rwanda

Dukurikire:
 
 

Perezida Kagame yahembye ibigo byitwaye neza mu imurikagurisha rya Dar es Salaam

Yanditswe na IMVAHO NSHYA

Kuya 2016-07-02 07:14:30

 
Share on:
 
Yasuwe:1
 
Yavuzweho:200
 
10
 
10

Perezida w’ U Rwanda, Paul Kagame yafunguye ku mugaragaro imurikagurisha mpuzamahanga rya Dar es Salaam(DITF) ahemba ibigo bya leta n’iby’abikorera byaryitwayemo neza.

Muri iryo murikagurisha ryari rifite insanganyamatsiko yo guhuza ibicuruzwa n’amasoko, ikigo cya Tanzaniya gishinzwe ubumenyingiro (VETA) cyahawe igihembo kiruta ibindi.

Perezida Kagame kandi yahaye igihembo Minisiteri ya Tanzaniya y’Umutungo Kamere n’Ubukerarugendo na Kaminuza ya Dar es Salaam.

Avuga mu Giswayire n’Icyongereza by’umwimerere, Perezida Kagame yavuze ko hari byinshi abaturage b’ibihugu byo mu karere bakunguka haramutse hariho ubufatanye bwa nyabwo.

JPEG - 125.6 kb
Perezida Kagame ahemba kimwe mu bigo byitwaye neza

Ati” Hari amahirwe menshi ari muri EAC, yaboneka binyuze mu kwishyira hamwe kw’ibihugu byacu, nk’urugero Tanzaniya n’u Rwanda bifitanye igihango kirenze amateka n’imipaka.”

Yavuze ko gufungura umupaka uhuriweho n’ibihugu byombi wa Rusumo ari kimwe mu bikorwa byavanyeho imbogamizi mu bucuruzi mu karere.

JPEG - 131.3 kb
Imurikagurisha mpuzamahanga rya Dar es Salaam rihuriramo ibihugu bigera kuri 30

Perezida Magufuli yashimiye Kagame kuba yitabiriye ubutumire bwe agafungura ku mugaragaro iryo murikagurisha ryitabiriwe n’abaturutse mu bihugu 30.

Ati” Uruzinduko rwawe rwerekanye umubano ukomeye uri hagati y’u Rwanda na Tanzaniya. Iri murikagurisha ryitabiriwe n’ibigo 650 bikomeye byaturutse mu bihugu 30 n’ibindi bigo bito n’ibiciriritse bisaga 2000.”

JPEG - 141.9 kb
Kagame yasabye abacuruzi bo mu Rwanda na Tanzaniya kubyaza umusaruro amahirwe ari mu kwishyirahamwe kw’ibihugu byabo

Uruzinduko Perezida Kagame yagiriye muri Tanzania rukurikiye urwo Magufuli yagiriye mu Rwanda mu rwego rwo kunoza umubano hagati y’ibihugu byombi.

Magufuli yagiriye uruzinduko rwa mbere hanze y’igihugu cye mu Rwanda muri Mata 2016, icyo gihe yavuze ko we na Kagame bagiye gukora ku buryo abaturage b’ibihugu byabo bakorera hamwe ku bw’inyungu zabo bwite n’iterambere ryihuse.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE